ياصــاحــبـي رفـــقـتـك شـر بلا خـيـر = وش عاد لو سموك بأحلى الاسامـي
ما أنت الحلي أنت أبو البلاء والعواثير = عــز الله انك تـسـتحــق الــمـلامــي
لـو أخــــذ الـحـيـطـة وكــل الـتـدابـيـر = تـسـطي عليه مثل وصف الحرامي
تـهـجـم على الـصبح والظهر وعصير = وبالـيـل تـمـسي في مفاصل عظامي
عـزرتـبي ياشــيــن الاطـباع تـعـزيـر = تـسـهـر عـيـوني يـوم كـــلٍ يـنامــي
وحـرمـتـني در الــبـكـار الـمـبـاكـيـر = صومتني في غـيـر شـهـر الـصـيامي
وقـطـعـتنا مـن الـتـمـشيه والمـسايـير = لأحـباب واقـراب وخـوال وعـمـامـي
يا عــنـك ما عـندك للاجـواد تـقـديـر = عـذبـت سـمـحـيـن الـوجــيه الكرامي
ليا قـلـطوا صـفـر الـدلال الـمـبـاهـير = وتمر الحساء وسـمـن الـغنم له يدامي
كـل ٍ تــحـاذر مـنه وابـدأ الـمـعـاذيـر = ويـقـول مـحـمـي عـن لـذيـذ الطعامي
وتـضـررن مـنك الـبـني الــغــناديــر = تـسـطـي عـلى اللي مثل بدر التـمامي
حـرام تـكـسـر ناعـمـات الـقــواريــر = زجـاج ما يـركـب عــليه الــحــامـــي
وياما ذبـل بأسـباب بـطـشـك نـواوير = وصــغيـرٍ تــوه بـســن الـفـــطــامــي
وان ماحـصل بالـطـب ثورة وتطوير = ادعــوا لــنا وقــروا عـلينا الـسـلامـي
يا لله عـسـى اللي صـار للـذنـب تكفير = واسـالك الــجــنة وحــســن الـخـتـامــي
=الشاعر / سعد بن عبيدالله القصيري

الموضوع الأصلي: الشاعر سعد عبيدالله القصيري || الكاتب: محمدالقصيري || المصدر: منتديات القصيرين من حرب

المصدر: منتديات القصيرين من حرب