عرض مشاركة واحدة
قديم 09-05-2012, 10:45 PM   #6


الصورة الرمزية احمد القصيري
احمد القصيري غير متواجد حالياً

بيانات اضافيه [ + ]
 رقم العضوية : 272
 تاريخ التسجيل :  Feb 2012
 أخر زيارة : 20-12-2016 (12:02 AM)
 المشاركات : 124 [ + ]
 التقييم :  10
 التقييم :  احمد القصيري مشاركاتك وتقيم الاعضاء الاخرين يرفع مستوى تقييمك
 الدولهـ
Saudi Arabia
لوني المفضل : Sienna
افتراضي



(عشق بدوي)
نويت مرباع الغضي سيد الاحباب
قصدي يزول الجرح زاد التهابه*
جيت وبقايا نارهم حول الاطباب
وبيت الشعر مطوي وباقي زهابه*
اقفت ركايبهم ومني الهدب داب
من دمع يسال وانذهل بالاجابة*
على غزير الدمع ضميت الاهداب*
صبيت لين الدمع يقفي سحابه*
بعض الوجع يمكن تداويه الاعشاب
وبعض الوجع يا ويل منهو سطا به*
عشق بدوي لا حب ما هوب بكذاب
يوفي ولو جرحه تجدد صوابه*
واليوم وصلت بيننا مثل الاجناب
ذاك الغلا يا ضيعته يا سفا به*
باكر الا جينا لهم مثل الاغراب
من عقب ما كنا الاهل والقرابه*
الامر لله وكل شي له اسباب*
ولا الهوى وش لي على هج بابه*
وشلون قلبي ما يجي منه منصاب
على الرجم منقوش بعض الكتابه*
حتى اثر مشيه مع سهول وهضاب
مر يبين ومر ما يندرابه*
قلبي من الفرقا صويب ومرتاب
كنه غدا نصفين من هول ما به*
حزني عليه انه تسبب و لا طاب
نظرة طبيبه عجلت في ذهابه*
ريح الخزامى والنفل زين الاطياب
ويشدني ريح السمر في ثيابه*
لاقبل نسيم الليل له خيل وركاب
وله في طلوع الشمس عز و مهابه


 

رد مع اقتباس