الموضوع: مــســاجــله
عرض مشاركة واحدة
قديم 22-01-2014, 10:41 PM   #1


محمد بن سنيد القصيري


الصورة الرمزية محمد سنيد
محمد سنيد غير متواجد حالياً

بيانات اضافيه [ + ]
 رقم العضوية : 313
 تاريخ التسجيل :  Apr 2012
 أخر زيارة : 12-07-2018 (03:42 AM)
 المشاركات : 1,191 [ + ]
 التقييم :  110
 التقييم :  محمد سنيد تميز محمد سنيد تميز
 اوسمتي
الألفية الأولى  وسام التميز  وسام الحضور المميز  وسام العطاء 
لوني المفضل : Sienna

اوسمتي
الألفية الأولى  وسام التميز  وسام الحضور المميز  وسام العطاء 
عدد الاوسمة: 4

افتراضي مــســاجــله



السلام عليكم ورحمة الله وبركاته
هذه مساجله بيني وبين الأخ الشاعر والمنشد / محمد متعب القصيري البادي أبومتعب

الجو يامحمد من البارحة ديم=مافيه قاع إلا نقع من مطرها
سحايبٍ هلة مطرها تعاميم=سبحان منشيها ومرسل سيرها
تزبرت واركت بقوة وتصميم=ثلاثة أيامٍ حراوي خبرها
وأنا على خوة رجالٍ شغاميم=أشفق ونفسي وقتها ماعسرها
نبي لنا جوله بعد رحلة خريم=يم الديار اللي زكيٍ زهرها
شوف الفياض ورحلةٍ جوها غيم=تبعد عن انفوس النشاما كدرها
نبعد عن أجواء المدن والتغاميم=نطلق عيونن سرها في نظرها
واليا وصلنا ديرةٍ تبعد الضيم=جهز معاميلن علينا مهرها
فنجالها يطرب لو الهاجس مقيم=وإبيوتها عند الطلب لا ومرها
صفراء جوانبها كستها التواسيم=وسم الحطب من جنبها لظهرها
في جوها نبحر مع الشعر ونهيم=وألا رواية راويٍ قد ذكرها
هذا مرادي لا غداء جونا غيم=وهذا هواء نفسن تزايد سهرها
المردود على ابو متعب

حسب السلوم السايده والمفاهيم=بين الرجال اللي حميده سيرها
حييت يامحمد معزه وتكريم=من هاجسن جزل المعاني صخرها
مابه عن الواجب للأعذار ترهيم=لو القريحه تعتذر ماعذرها
مادامت الدنيا حظوظ ومقاسيم=يالله بحظٍ خطوته ماعثرها
من شان ابومتعب علي الملازيم=لترك ضروفي كلها وأخصرها
مثلك يابومتعب يصدر مراسيم=يامر وأطيع أوامره لومرها
الجيب جاهز بالطلب يالأكاريم=مع عزبةٍ قبلي محمد ذكرها
توه حديث مواصفات وتصاميم=اصناعةٍ عبداللطيف احتكرها
إليا دعست اسليتره له ترانيم=ماحسب لسهل الدروب وعرها
لون برده غير التواير مجاهيم=وبعض المزايا ماقدرت أحصرها
والجو غيم وفيه سحبن مراديم=مع درب سحبن قد وصلنا خبرها
بأرضٍ من الوسمي سقاها مقاديم=جاها الربيع وزال عنها دهرها
وخوة نشاما طيبين ومحاشيم=اتجارةٍ من ضمها ماخسرها
تسوى كنوزٍ جمعوها المعاديم=ضعوف النفوس اللي كثيرٍ قشرها
شذابة الغايب طوال البلاعيم=عن الرجوله فعلها اللي قصرها

الموضوع الأصلي: مــســاجــله || الكاتب: محمد سنيد || المصدر: منتديات القصيرين من حرب

شكرا لك على تواصلك نسعد بزيارتك فأهلا وسهلا بك





lJJsJJh[JJgi



 

رد مع اقتباس