عرض مشاركة واحدة
قديم 11-07-2016, 03:43 PM   #1


سلمان بن صويلح القصيري


الصورة الرمزية أبوزياد العويمري
أبوزياد العويمري غير متواجد حالياً

بيانات اضافيه [ + ]
 رقم العضوية : 63
 تاريخ التسجيل :  Oct 2011
 أخر زيارة : 02-05-2017 (12:45 PM)
 المشاركات : 768 [ + ]
 التقييم :  10
 التقييم :  أبوزياد العويمري مشاركاتك وتقيم الاعضاء الاخرين يرفع مستوى تقييمك
 الدولهـ
Saudi Arabia
 SMS ~
لا إله إلا الله
وحده لا شريك له
له الملك وله الحمد
وهو على كل شيء قدير
 اوسمتي
وسام الحضور المميز  وسام العطاء  وسام التميز 
لوني المفضل : Olive

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي عن ملتقانا ماتجوز المعاذير




هذه القصيدة بمناسبة ملتقى معايدة أبناء فازع من القصيرين لعام 1437
اعداد ماغنى وغرد به الطير = وما لاح برق وما نشى من غمامي
سلام احلى من حليب المصاغير=وسط الفياض اللي بها العشب زامي
ﻻمن زهى نبته بزين النواوير=على اوله ماحان فيه الصرامي
والذ وازكى من الدﻻل المباهير=لحافها خطو الكريم العصامي
على الجمر ماجات نار الدوافير=فنجالها يجلا العمس والسقامي
قدرا لكم يامكرمين المسايير=ياعيال عمي يالرجال الكرامي
وعن ملتقانا ماتجوز المعاذير=لو كان فيه ظروف برد وسلامي
وﻻ يردنا بعد الدير والمشاوير=والعيد فرصه للقاء والسلامي
وترا التواصل زين بين المناعير=خصا ليا صاروا عيال العمامي
ومن بينهم رفقة معزه وتقدير=وكلاً يعامل باﻻدب واحترامي
ويا لله عسى في كل جمع لنا خير=ثالث عياد الفطر من كل عامي
ونسعى بما يرضي ولي المقادير=الخالق المعبود رب اﻻنامي
في ملتقانا يالوجيه المسافير=ياعيال فازع يالعزاز الحشامي
وانتم طلعتم قمة طويق والنير=ومكانكم بالطيب ذرو السنامي
وافخر بكم ياطايلين اﻻشابير=والمدح فيكم لي تاج ووسامي
وﻻ سب باق الناس لو صار مايصير=ويلحقني المنقود سبة كلامي
الطيب ماهو حصر لحدن عن الغير=وﻻ يحتقر للناس عال المقامي
وحنا تحت حكم الملوك المشاهير=آل السعود بحرب واﻻ سلامي
آل السعود أهل السيوف البواتير=اللي بشرع الله تقص العظامي
صديقهم يارد على جمة البير=وليا نخاهم مايهان ويضامي
وعدوهم واللي براسه عياطير=بالمعركه خسران يصبح عدامي
والشعب في عز ومعزه وفي خير=وميزان حكم العدل فينا مقامي
وحسادنا واجد تحد المناشير=يسعون للفتنه وضد النظامي
وﻻ نستمع لمروجين اﻻساطير=ومن رافق المهيوم جاه الهيامي
ودستورنا القرأن ماعنه تغيير=واسم الوطن بالعز والنصر سامي
وصلوا على اللي نور الخلق تنوير=بسماحة اﻻسلام بعد الظلامي
=سلمان بن صويلح القصيري


شكرا لك على تواصلك نسعد بزيارتك فأهلا وسهلا بك





uk lgjrhkh lhj[,. hgluh`dv lhj[,.



 
 توقيع : أبوزياد العويمري





يا طالب العليا ترا المطلب صعيب**صعب يتحقق دون صبروعزيمه


رد مع اقتباس