عرض مشاركة واحدة
قديم 01-05-2018, 10:10 AM   #3




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 08-12-2019 (10:22 AM)
 المشاركات : 274 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي



=قصيدة الشاعر/سالم بن صويلح القصيري

هاذي علومي يوم سجيت بالعيد=للديره اللي تعجب اللي نصاها
تجلى عن النفس العليلة تناكيد=يوم ان ربي في جماله كساها
نبت الربيع اللي كسا قاحل البيد=معطراً ريح الخزامى هواها
الديره اللي شيخها نايف عبيد=عقب الرجال اللي يذري ذراها
أقصيرين وباللوازم صناديد=رجالهم لا قال كلمة حماها
ماقلتها ليه وراها مقاصيد=كلمة وفاء ما ني مدور جزاها
يا أبو فهد لأني منقص ولا زيد=صفحة شرف يطرب لها من قراها
والصدق ما تلحق وراه المناقيد=والكذب ظلماء تايه(ن) من سراها
هاذي علومي يا سعد جعلك إسعيد=لعل نفسك تهتني في مناها
ودي لو أنك جيت وأخذت تمديد=على الإجازة لأجل يكمل حلاها
ابغاك تسمع لم سالم تغاريد=في روضة ضلف الدبش ما وطاها
*************************************************
=رد الشاعر / سعد بن عبيدالله القصيري

يا بن صويلح كم طلعنـا تراديـد=للديـره اللـي مـا جحدنـا ثناهـا
دار(ن) غلاها ما يبـي زود تأكيـد=محبةٍ تفـرق علـى مـا سواهـا
حب(ن) مخلد طول الأيـام تخليـد=لعل غـال أرواحنـا مـن فداهـا
ما كفت الخيمة آليا أقصى مشاحيـد=وحمر الجبال اللي عذي(ن) هواها
لعل تسقيهـا المـزون الرواعيـد=وتنعم بفضل الله عساهـا عساهـا
هي متعت الناضر وهي منبت الغيد=اللي قدوع ضيوفنـا مـن نماهـا
يوم الحياة بـلا مشاكـل وتعقيـد=وناستن بالضلع مـا أحـدن لقاهـا
قطن وطن ربعي قـروم الأواليـد=خفاف النفوس اللي يسـرك نباهـا
شجعان أهل نخوة وصبيان توحيـد=وساع الصدور اللي بعيـدٍ مداهـا
وأميرهم نايف مثل نايـف الحيـد=راعي يميـنٍ مـا تشـح بعطاهـا
ودي لهم بالخير من غيـر تحديـد=وكبدي عليهم يابسه مـن ظماهـا
والخير يوجد في جميـع الأجاويـد=والناس يعرف طيبها مـن رداهـا
وشوف الربيع يجدد العمر تجديـد=وألا المحول تشيب اللـي مشاهـا


 
 توقيع : فهد سعد

على قدر أهل العزم تأتي العزائم * وتأتي على قــدر الكرام المكارم
وتعظم في عين الصغير صغارها * وتصغر في عين العظيم العظائم


رد مع اقتباس