عرض مشاركة واحدة
قديم 01-05-2018, 10:34 AM   #7




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 08-12-2019 (10:22 AM)
 المشاركات : 274 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي




قصيده بمناسبة حفل التكريم الذي اقامه / فهيد بن سبيل القصيري وأبناء إخوانه
لعدد من أبناء قبيلة الروله من القريات وطريف
يا ابو فهد جيتك بزين المثايل = ابيات من دافع محبة وتقدير
انا اليا جات العلوم الصمايل = من دون ربعي ماحسب للمخاسير
وقفت قدم الناس والراس طايل = وحضرت لك مياسة القد تحضير
اللي اليا مرت وقامت تمايل = تحركت معها كفوف الجماهير
وان بان مفرعها وشقر الجدايل = تاخذ فواد مولع القلب ويطير
واهديت لك قب المهار الاصايل = السبق اللي في نواصيهن الخير
مسومات من خيار السلايل = تعجبك يوم تكر وتفر وتغير
امهارنا دايم يجن الأوايل = اليا عرضن على الاوجيه المسافير
نبي نشارك مع عيال الحمايل = ونحيي تراث اجدادنا كعب وزهير
نشت على جوي صدوق المخايل = ويوم امطرت غر المزون المزابير
صبيت قافي صب لاولاد وايل = مع المطايب والدلال المباهير
يامرحبا باهل الوفا والجمايل = اليا لفونا ضيوف والا مسايير
بديار حرب اهل الشرف والنفايل = لضيف كيف ونحمي الجار ونجير
اصل الكرم بدمينا والفصايل = لون ما في باقي الناس تقصير
في قلب نجد ولا نبي له بدايل = نتبع هوى الزينات ملح ومغاتير
واكرر الترحيب باولاد وايل = لاونها تقصر جميع التعابير
يعيش مدالله كريم الخصايل = وخليفه اللي مايعرف المعاذير
وعبدالله اللي يرتكي للثقايل = ماكل والا مل لو طول السير
كم واحد جاكم يحث الرحايل = وده بشىٍ مالقوه المداوير
وبجهودكم ياطيبين الفعايل = ورد محيمات الظوامي على البير
والتم عقب الهم شمل العوايل = وارتاح من طول العنا والمشاوير
واقول صح السان من كان قايل = طريف مثل الريف يفرق عن الغير
واسم الرويلي عند كل القبايل = من الرموز اللامعة والمشاهير
مثل جبل سنجار وجبال حايل = وجبل قطن وابان وطويق والنير
متوارثين امجادكم والفضايل = من عمر بن كلثوم وكليب والزير
ومن معركة ذي قار يوم الهوايل = يوم اجمعوا فرسان نجد المغاوير
وشبوا بجيش الفرس لوهم قلايل = في وقت غير السيف مابه دساتير
واللي غزوهم قدموهم نزايل = وليمةٍ للسبع والضبع والطير
ومن فر منهم ماعقل له عقايل = وعلوجهم مثل الحباري مخامير
ارض الجزيرة دونها الدم سايل = من كل مسطور براسه عياطير
ضحوا وصحوا واصبح الهم زايل = ودحوا على صوت البني الغنادير
ماهم بحاجه للحجج والدلايل = لكن قصدي ياهل العرف تذكير
ياليتنا نسوي سواة الاوايل = ونصبح يدٍ وحدة على الشر والخير

=الشاعر سعد بن عبيدالله القصيري الحربي


 
 توقيع : فهد سعد

على قدر أهل العزم تأتي العزائم * وتأتي على قــدر الكرام المكارم
وتعظم في عين الصغير صغارها * وتصغر في عين العظيم العظائم


رد مع اقتباس