عرض مشاركة واحدة
قديم 19-09-2018, 05:30 PM   #1




الصورة الرمزية فهد سعد
فهد سعد متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 04-07-2020 (06:27 AM)
 المشاركات : 281 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
 اوسمتي
وسام الحضور المميز  وسام العطاء  وسام التميز 
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي جـــــــــزل الـــــكــــلام




اخترت من جزل الكلام المفيدي=ابيات ارددها على روس الاشهـاد
مثل الجواهر واللباس الجديدي=ليا قامت الافـراح بايام الاعيـاد
من عادتي صيد الغزال الفريدي=قناص والقناص يفرح ليا صاد
ليا قمت اطوع كل قافٍ عنيدي=ينقاد لي مثل الصعب يوم ينقاد
الله يوفـقنــي للامر الرشــيـدي=ويجعل قراباتي وجيراني اجواد
ويفك من ناسٍ خطرهم شديدي=عقولهم وفعولهم مثل الاوغاد
ننعم بامان الله وعيشٍ رغيدي=ببلادنا اللي مالنا غيرها ابلاد
وطى ثراها نورعيني وسيدي=وقصم اظهور اللي للاصنام عباد
من الكتاب وسنته نستفيدي=ونعتز في تاريخ الابا والاجداد
لو حرفوه محرفين القصيدي=اللي سوالفهم بها سم الاكباد
الناس تدري بالكلام الاكيدي=ماهم بحال اللي على الكذب معتاد
يكبر ويصغر مثل ضلع الجليدي=اليا زاد عن حده نقص مثل مازاد
ما شفت بين الناس حي سعيدي=الا وتلقا له من الناس حساد
اضحك واجامل من بعيد لبعيدي=ما ودي اثير الظغاين والاحقاد
واقول كل جعل خيره يزيدي=وانشد عن اللي غاب وافرح اليا عاد
ما نستعين الا العزيز الحميدي=ونجود من مدات جوده اليا جاد
وش خانة اللي نملكه من رصيدي=ان كان ماحشنا المراجل والامجاد
ما دامت الدنيا لخطلان الايدي=بادوا وباقي ذكرهم حي ما باد
وبعض العرب لو مات ماهو فقيدي=اليا حضر ما فاد وان غاب ما فاد
تشعر بهم وتشعر انك وحيدي=لا صرت في وادٍ وصاحبك في واد
الشاعر: سعد عبيدالله القصيري الحربي


شكرا لك على تواصلك نسعد بزيارتك فأهلا وسهلا بك





[JJJJJJJJJ.g hgJJJJJ;JJJJghl



 

رد مع اقتباس