الموضوع: حرب الحرايب
عرض مشاركة واحدة
قديم 11-01-2019, 04:41 PM   #1




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : اليوم (12:00 AM)
 المشاركات : 281 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
 اوسمتي
وسام الحضور المميز  وسام العطاء  وسام التميز 
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي حرب الحرايب




هـذه القصيدة اهداء الى قبيلة حـرب العزيزة لما بينهم من تلاحم وتراحم
ووحدة الصف بالمهمات والملمات المشهودة وهي قليله بحقهم

انا ليا كثرت علي الهواجيس=من الهموم اللي كوت ضامري كي
ذكرت ربعي كاسبين النواميس=حرب الحرايب ما مثل حيهم حي
الكل منهم يرخي الجيب والكيس=في مجلس عامر ونارٍ لها ضي
عادتهم الفزعه وفك المحابيس=وذبح الردوم اللي بها زايد الني
يصيد من هد الحرار القرانيس=والا التبوع اتبوع ترجع ولا شي
الطيب وفقه والحياله عواسيس=واللي تعب بالزرع يتعب على الري
صغيرنا يطلع بعيد المراميس=يصعد على العليا وهو توه صبي
تاريخ ربعي قبل وقت امروؤ القيس=بارض الجزيرة يوم سكانها شوي
وصلوا من البصرة اليا بلاد بلقيس=لين اصبحوا كا الشجرة اللي لها في
كرام وحشام ونشاما وفريس=يوم السلاح رماح وسيوف وقني
مسروح فوق الخيل مثل المقابيس=شهب على روس الشياطين تهوي
وسوالمٍ لا حولوا بالمتاريس=يستسلم اللي غره الطيش والغي
احفوا ظهور الخيل والضمر العيس=طافوا فيافي نجد يطوونها طي
وديارهم تسس على العز تاسيس=ما جت بحب خشوم وختوم وعبي
شمال نجد اللي مثل وصف باريس=تشبه هنوفٍ ما مثل زيها زي
من عاش بين اجبالها والطعاميس=شرب محبتها مع الزاد والمي
حب الوطن يرجح بكل المقاييس=افداه في روحي وماتملك يدي
ما يرخص الاوطان غير المتاعيس=اعمالهم سيه ومنطوقهم سي
ياالعبد لا تتبع هوى النفس وابليس=ولا تطيع احد في كلمة الحق ياخي
اعوذ بالله من جميع الوساويس=ومن رفقة اهل السو والنذل والعي
انا مع الطيب بعيد المراويس=لو اتعنى له على اقدام رجلي
=الشاعر / سعد بن عبيدالله القصيري الحربي


الموضوع الأصلي: حرب الحرايب || الكاتب: فهد سعد || المصدر: منتديات القصيرين من حرب

شكرا لك على تواصلك نسعد بزيارتك فأهلا وسهلا بك





pvf hgpvhdf



 

رد مع اقتباس