عرض مشاركة واحدة
قديم 27-07-2019, 02:12 AM   #19




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 08-12-2019 (10:22 AM)
 المشاركات : 274 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي




قصيدة مهداه للشاعر سالم بن صويلح القصيري
بمناسبة فرح ابنه عبدالله

ياليل ياليل السعد والمسرات= بافراح سالم نور الحي كله
حي الوفود افراد والا جماعات= ضيوفنا الغالين حياهم الله
اللي لفونا من بعيد المسافات= نعم الرجال اللي وفاهم جبله
ونهديك ياعبدالله احلى العبارات= اقطف من البستان ورده وفله
ابوك سالم طيب الفعل والذات= لا يجرح الصاحب ولا يستغله
رجال عرف وله مواقف وفزعات= اصل الحميا والكرم عادةٍ له
اليوم والا بالزمان الذي فات= النايبه والصايبه ما تزله
شاعر علم ما هو بمحتاج لاثبات= سيفٍ بصعبات المواقف نسله
جعله بحفظ الله وخير وسلامات= يبقى لنا دايم عساه ولعله
اليوم ماني ملتفت للملفات= وانا معي صقرٍ جناحه يفله
ابا اتحف الجمهور في عدة ابيات= مع الكواكب والنجوم المطله
احدٍ وصل سطح القمر والمجرات= واحدٍ يراوح ما تعدى محله
ماني من اللي شهرته بالدعايات= اللي يصفق له من الناس شله
شاعر وليه مع هل الشعر جولات= بفتله ونقظه وعقده وحله
اقف مع ابن العم في كل الاوقات= ارضيه واللي هو يبي فدوةٍ له
اهدي له اللي تنحفظ بالرويات= مزيونةٍ قلب الهواوي تتله
تقطع ظما العطشان لامنها جات= ماكنها الا مزنةٍ مستهله
احلى من السكر على در خلفات= وتمره على زبده وفنجال دله
في جلسةٍ بفياض نجد العذيات= بخيمة قطن وهضابه المستقله
وقت الربيع وبين غدران وقلات= وريح النبات مخالطه ريح بله
وناسةٍ تسوى جميع الملذات= ننسى بها هموم الحياه الممله
ومسك الختام ازكى سلام وتحيات= وعسى كلامي ما يجي فيه زله
الشاعر: سعد عبيدالله القصيري


 
 توقيع : فهد سعد

على قدر أهل العزم تأتي العزائم * وتأتي على قــدر الكرام المكارم
وتعظم في عين الصغير صغارها * وتصغر في عين العظيم العظائم


رد مع اقتباس