عرض مشاركة واحدة
قديم 16-10-2019, 11:32 AM   #20




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 08-12-2019 (10:22 AM)
 المشاركات : 274 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي




قصيدة مهداه للشيخ احمد بن مليح المجنوني الحربي
يابن مليح حضرنا لك بزين البيوت=مكان صلح الحديبيه بخير البقاع
ياطيبين السلوم وطيبين السموت=يقوله الشاعر اللي ما يحب الخداع
انته وربعك ذوي محسن اكبار البخوت=يالشيخ يالوافي الصافي طويل الذراع
اولاد مجنون دايم نارهم ماتموت=مابين شهمٍ كريم وبين قرمٍ شجاع
الكل منهم نبيه وفرصته ماتفوت=يجون مثل السباع اللي تخلف اسباع
واليا حضروا بالمحافل لابسين البشوت=مثل السلاطين لاحضروا بوقت اجتماع
اللي تغطرس ولف ودار شاتوه شوت=وقام يترنح من الدوخه طويل الخناع
اللي يحسب حقوق الناس لعبة بلوت=يعطى مراقيع لين انه يزول الصداع
=الشاعر سعد عبيدالله القصيري الحربي

مشاركة بحفل التكريم الذي اقامه الشيخ احمد بن مليح المجنوني الحربي
=للشيخ سعيد بن محمد القحطاني
بسم احمد بن مليح مرحبا بالضيوف=ضيوفنا اللي لفونا من شيوخ قحطان
شوفوا مجانين حرب استقبلوكم وقوف=لا صار وقت الله الله كن فيهم جنان
دحوا لكم بالبنادق واعرضوا بالسيوف=مع سوقة المطيبه والهيل والزعفران
حيوبكم ياسعيد صفوف تنطح صفوف=الله يسعدك يا ابوحسين طول الزمان
الشعر بك له طعم والمدح فيك مخلوف=وانا اشهد انك حصانٍ من سلايل حصان
ابوك شيخٍ من شيوخ قحطان امعروف=بالجاه والمد والفزعه وذبح السمان
ان مالقى حاشي للضيف يذبح خروف=يوم ان بعض العرب ماياجدون الدهان
ال سليمان يوم ان الظواري تحوف=عاشوا على العز ما عاشوا بذل وهوان
يوم اعتزوا ببن حرق ولافوا الترك لوف=بسيوفهم والبنادق والقنى والسنان
والنعم باهل العرين اسود شم الانوف=من لاذ بوجيههم يصبح ببر الامان
يوم الجهل والمغازي والفتن والحفوف=تفاخر القوم يوم فلان يقتل فلان
ولت جميع الفتن قدام عام الكسوف=توحد الشعب من بعد انفلات العنان
بامر الكريم الحكيم اللي بخلقه يروف=حكم بها ادهي مليك ووحد اعظم كيان
واليوم نسعى ورى الدنيا مثل ما تشوف=وهي للفقير امتحان وللغني امتحان
ياشيخ ياللي كما الاب الرحيم العطوف=لك لمسةٍ كلها رحمه وحب وحنان
فكيت قيد السجين اللي وطته الظروف=سلفته اكثر من المليون ماله ضمان
واليوم حرٍ طليق يعيش من دون خوف=من عقب ماهو مطارد من مكان لمكان
واصبحت حاصل على الثنتين اجرٍ ومعروف=وحقك رجع لك مع التقدير والامتنان
ياشيخ لك مدةٍ ماهي بمدة ضعوف=يصبح بها افقر فقير يشار له بالبنان
ما نذكر الاغنيا لو هم ميات الالوف=ان ما فعلوا مثل فعلك ياصبي قحطان
يشكرك حربي اسمه من ثلاثة حروف=قصيري مزيني فصيح اللسان
=الشاعر سعد عبيدالله القصيري الحربي


 
التعديل الأخير تم بواسطة فهد سعد ; 11-11-2019 الساعة 10:14 PM

رد مع اقتباس