عرض مشاركة واحدة
قديم 16-10-2019, 11:39 AM   #21




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 08-12-2019 (10:22 AM)
 المشاركات : 274 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي قصائد غزلية من ارشيف الشاعر




جمعت الجواهر بين الاصداف والمحار=وتخيرت منها عقد لولو ومرجاني
اغني بيوتٍ ما تغنوا بها اشعار=هديه على المحبوب من قلب والساني
الا ياصباح الخير والنـور والنوار=ولا يابعد روحي وحيي وحياني
لقيته مسير بارك الله بالمسيار=مع المترفات اللي تقل جول غزلاني
اليا شافهم راع الهوى بينهم يحتار=سواة الخيول تجول في وسط ميداني
جمال ودلال وتوهم باول الاعمار=ولو كل واحد فيه ميزه عن الثاني
وهويت الفتاه اللي تطلع لها الانظار=وتفوق على الخفرات من غير حقراني
رمتني وصابتني وشـبـت بـقـلبـي نار=عطتني سهوم الـمـوت مير الله انجاني
اليا ناظرتني تقل تبدي علـى اسرار=بنجل العيون السـود مع حمر الاوجاني
وغطا الراس ليلٍ ما قدر يجمعه لاثار=تحدرعلى الردفـين واطراف الامـتاني
مع الغره اللي كنها طلعت النهار=بها اسرار سـحريه ورحمات رحماني
الا ياحبيبي تونا باول المـشوار=بعد شفت شي وباقي شي يـخفاني
الا ياعيون مبرقعٍ يعجب الصقار=حشيم وعديم ولا يقدر بالاثماني
اليـا شاف جول الصيد تل الـسبوق وطار=مضاريب كفه ضربة السيف شاماني
ترى لك مـحبٍ يرخـص الكيس والدينـار=عزوم وجزوم ويـقـطـع الــدرب وحداني
******************
ياروح روحي كل ماجيت حياك=اهلاً هلا بك ياحلي الغزالا
مثله وخفه بالتفاتك وممشاك=ان شاف والا خاف صابه جفالا
ما عندي ابدا من محبتك ورضاك=حيث ان لك بالصدر قدر وجلالا
نعم صحيح اغليك بالحيل واهواك=اما ابتعادِ عنك لالا ولالا
اليا نظرت وشفت طلعت محياك=شفت الحياه وشفت سر الجمالا
كنت احبك قبل هذا وهذاك=لا عدهم مكسب ولا راس مالا
انت الوحيد اللي تصافيت وياك=وحققت لي يازين شيٍ محالا
ومن بعد وقفاتك معي كيف بنساك=يوم احتمالك فاق كل احتمالا
تسعد بلقيايه وانا اسعد بلقياكً=في علم والا حلم والا خيالا
وحطيت يمنايه على كف يمناك=واسقيتني شربة قراحٍ زلالا
اللي تبي ياصاحبي من فدياك=واتممه لو هو صعيب المنالا
ما عاش راس اللي من الناس عاداك=لعلهم يبقون دايم زعالا
وان غبت ما غابت عن البال ذكراك=واقول وينك ياحبيبي تعالا
واليا انتظرت وطول الرد ما جاك=مع التماس العذر عطني مجالا
وادمح خطايايه وانا ادمح خطاياك=وانا مع الطيب على كل حالا
******************
ان كان يالغالي محبتك هاللون = بالحد الادنى من محبتك اكتفينا
لانت الوحيد اللي من البيض مزيون = ولانت الحبيب اللي على ماهقينا
طمعت فينا يوم نمشي على الهون = حتي غديت وتحسبنا غدينا
حنا لنا شيمه وقيمه وقانون = وسلوم اهلنا غصب تمشي علينا
ندرى شرف نفسٍ لها الرزق مضمون = لو هو على جمر الغضى به وطينا
*****************
ذبحتني يابو العيون النواعيس=بيحت سدي بيح الله سدك
زايد دلالك يبس الكبد تيبيس=زادت حلاتك شامةِ فوق خدك
قالت علامك ما تعوذ من ابليس=انا صغيرة سن ماني بقدك
قلت الغلا ياشوق ماله مقاييس=وانته زرعت بداخل القلب ودك
لولاك ما تكثر علىّ الهواجيس=وارجي عسى الله بالسلامه يردك
الشاعر سعد عبيد الله القصيري



 
 توقيع : فهد سعد

على قدر أهل العزم تأتي العزائم * وتأتي على قــدر الكرام المكارم
وتعظم في عين الصغير صغارها * وتصغر في عين العظيم العظائم


رد مع اقتباس