عرض مشاركة واحدة
قديم 12-10-2011, 07:28 PM   #1
محمد ثلاب القصيري


الصورة الرمزية محمدالقصيري
محمدالقصيري غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Oct 2011
 أخر زيارة : 25-07-2016 (11:25 AM)
 المشاركات : 1,363 [ + ]
 التقييم :  10
 التقييم :  محمدالقصيري مشاركاتك وتقيم الاعضاء الاخرين يرفع مستوى تقييمك
 الدولهـ
Saudi Arabia
 SMS ~
لا حول ولا قوة الا بالله
 اوسمتي
وسام الحضور المميز  وسام تكريم وتقدير  الألفية الأولى  وسام التميز 
لوني المفضل : Darkred

اوسمتي
وسام الحضور المميز  وسام تكريم وتقدير  الألفية الأولى  وسام التميز 
عدد الاوسمة: 4

افتراضي قصة نويشي الحربي وجاره المطيري



نويشي الحربي وجاره المطيري نويشي الحربي وجاره المطيري

السلام عليكم ورحمة الله وبركاته

كان نويشي بن ناشي المشيعلي من بني عمرو من حرب الذي عاش بحدود نهاية القرن الثاني عشر وبداية القرن الثالث عشر الهجري . في وادي الفرع له جار يقال له اليتيم من ذوي بدير من مطير قدم الى الوادي واصبح جارا لـ نويشي وفي احد المرات تعرض له مجموعه من قبيلة نويشي, وارادوا سلب ما معه فقال لهم تراي خوي نويشي بن ناشي فلم يصدقوه فقاومهم ولكنهم قتلوه واستولوا على مامعه . ولما وصل الخبر الى نويشي طار الشرر من عينيه واقسم بأغلظ الايمان ان ينتقم لخويـه , وقام بقتلهم وعددهم سته واحدا بعد الاخر
وفي يوم من الايام كان يسير ومعه خاله , وعندما مروا في احد المواقع قال له خاله انظر الى ذلك المكان يا نويشي فقال وماذا في ذلك فقال ذلك المكان هو الذي تم قتل جارك اليتيم فيه فلم يتمالك نويشي نفسه وتحمل ذلك فسل سيفه وقطع يد خاله التي كان يؤشر بها , من واقع القهر الذي يعيشه بسبب خفر ذمته .وقد ارسل نويشي الابيات التاليه الى زوجة جاره يقول فيها :-






يا راكـب اللـي شايبـاتٍ مقاريـه



مثل الظليم اليـا ضـرب لـه قـرارا



يسـرح وممسـاه البديـري حراويـه


اللي نـزل بيـن السهـل والوعـارا


خوينـا يـا متلـف الـروح نغليـه


واللي ورى الصبيـان دربـه عسـارا


مطلق مطيحه بأيمـن السـوق شوفيـه


فوقـه رمـن شنودهـن الـعـذارا


ارخصت عمي ما احسب القلب يصخيه


عند الخـوي كنـه حتيـن الجفـارا


اقفـى مـع الطـاروق دمـه يباريـه


دمه مع الطـاروق يغشـى الجـدارا


احدٍ سمـع واحـدٍ بالأعيـان راعيـه


البـدو والحضـران فوقـه صـبـارا






وكان نويشي يريد الاستمرار بتصفية اقارب الذين قاموا بقتل جاره أي انه لم يكتفي بالمعتدين بل يريد القضاء على اقاربهم , ولكن مشائخ القبيله تدخلوا والتزموا له بارضاء قبيلة جاره ودفع ديته . وقد سارت الركبان بهذه القصه واصبح المثل يضرب في نويشي الحربي, وقد حصل ان حدثت قصه مشابهة لأحد الاشخاص من قبيلة جار نويشي ولم يستطع القصاص من قاتل جاره فقال هذه الأبيات :-





لا وهني نويشي اللي قضى الدين


وجهه كما القمرا من اول شهرها


وانا ديونـي مرمسـات زمانيـن


امشي وكني دارع فـي غدرهـا


احيا اليتيم واقعده بالنبا الزيـن


يستاهل البيضا بـدارٍ حضرهـا


عقب اربعه واثنين يسلم من الشين


غير اليمين اللي نويشـي عثرهـا





وقد حضر رجل الى ابن رشيد حاكم زمانه يذكر بأن ذمته قد خفرت في جاره ويسأله ما العمل , وكيف يعمل فقال ابن رشيد ( يابعد حيي انشد نويشي الحربي) وقد اصبحت هذه القصه مجال رحب للشعراء , حيث يقول الشاعر الكبير المرحوم / سبيل بن سند الحصني الحربي من اهل دخنه في نجد :-





ونويشي اللي بالخوي كلٍ اوحاه


بثرا خويه عن عوانيـه نايـب


قص اربعه واثنين والسابع انجاه


انهى الملام وخاطره ماهو طايب






كما يقول الشاعر غزاي بن مطر الطريسي في قصيدة يمدح فيها المشاعله منها هذه الابيات :





منهم نويشي كان حـل المجالـي


سجل له التاريخ بالمجد مكتـوب


عند الخوي ما حسبوا بالموالـي


انهى الملامه واشقر الدم مصبوب


ذباح في ثار الخوي كل غالـي


في حزة مافيه قاضب ومقضوب


سته وخاله مع رجـالٍ غوالـي


دون الخوي ما قال غالي ومحبوب






ويقول الشاعر رباح بن خلف الشمري الابيات التالية ضمن قصيده ارسلها الى محمد بن عوض المعمري:-





موقفك شرف دوننا يابن الاخيار


حق الخوي تعطونه اول وتالـي


ونويشي اللي للعرب حط تذكار


بيض تغزز له بـروس الجبالـي






كذلك يقول الشاعر محمد بن عبدالله العسيلي البشري الابيات التاليه من ضمن قصيدة طويله :-





ونويشي اللي خلد الوقـت ذكـراه


له مركز فـي قمـة المجـد مرمـوق


راع النقـا زاح الملامـه بيمـنـاه


دون الخوي ما يلحقه كل ملحـوق


قص اربعه واثنين والسابـع اعيـاه


وقطع اليمين اللي على الجنب مطروق






ويقول الشاعر مرزوق بن مبشر الحصني من اهل دخنه :-





والفعل الآخر نور يجلى الظلامي


فعل جلى نـوره كـل ليلـي


فعل يزيل من الوجيه الملامـي


ماله مثيل ولا ذكر له بديلـي


نويشي اللي قال فيه الدهامـي


اللي شكا من ضيم حمل محيلي


نويشي الحربي وجاره المطيري نويشي الحربي وجاره المطيري


نويشي الحربي وجاره المطيري نويشي الحربي وجاره المطيري

اقتباس من رد العضو / فهد الجابري


للشاعر / غالب بن مضيان
انشدوني عن(نويشي) مع خويه ويش سوى =
يوم خاوا للمطيري والمطيري معه خوى
خوة ٍ قامت تقوى بينهم .. قامت تقوى=
في زمان الحنشله والسلب وقصصه العجيبه



بعد مامرت عليه شهور له قال المطيري =
ودي ارحل وانت تعرف وين يالحربي مسيري
خايف أنه ينتهي بديار ربعك حرب سيري =
ثم تصير اكبر مصيبه والقدر ما يندريبه


قال: لا يهمك وأنا أوفر لك أسلوب الحمايه =
خذ عصايه وأرم للي يعترض دربك عصايه
قل : أنا في وجه راعيها وراعيها ورايه =
من سمع بسمي يبي يحميك يوم أنك تجيبه


قال هذا الراي يالحربي وسافر في طريقه =
وأعترض له ستة ٍ ما همهم قول الحقيقه
أقطعوا رأسه ويوم العلم جا ( نويشي ) رفيقه=
قال أنا والله لا اخليها على شانه مصيبه


جا يدورهم وهو متحيزم بكل الشجاعه =
قال اباانثر دمهم لوهم من عيال الجماعه
عارف أن الذيب ما ياكل في أنيابه ذراعه=
بس من شان الوفا ضحى وصارت من نصيبه


قص روس السته اللي ما اسمعو صيحة خويه =
القويه مالها الا مثلها وحده قويه
من وفا نويشي ولد ناشي ومن زود الحميه =
قال هاللي مثل ذولا وش نبيبه وش نبيبه


وعقب عام من القضيه سافر نويشي وخاله =
قال خاله التفت صوب الشجر هذا وظلاله
به خويك كان متنكد وهو ينخى لحاله=
ردد اسمك كم مره ردد اسمك ينتخيبه


قال بالله وين يا خال المكان اللي تقوله =
قال في ذاك المكان يأشر بيمناه حوله
وأخذ السيف وقطع يمناه والخال بذهوله =
قال يمنى ما انقذت خوينا تصبح عطيبه


والله والله ثم والله ثم والله ثم والله =
لو ما انته خال واخو اللي لها التقدير كله
كان تلحقهم وأنا ثاري من أجله في محله =
الوفا من طبعنا والتضحيه ماهي غريبه


انتهت قصة بطل رمز الوفا معروف فيها =
كل ما يطرا الوفا تلقى الرجاجيل تحكيها
في بطون الكتب تلقاها ومكتوب ٍ عليها =
هاذي القصه عجيبه من قصص حرب العجيبه
نويشي الحربي وجاره المطيري نويشي الحربي وجاره المطيري


شكرا لك على تواصلك نسعد بزيارتك فأهلا وسهلا بك





rwm k,dad hgpvfd ,[hvi hgl'dvd hgpvfd ,[hvi k,dad



 
التعديل الأخير تم بواسطة سعد بن غالب ; 15-10-2011 الساعة 10:33 PM

رد مع اقتباس