منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى الخواطر و النثر و القصص (http://www.alqesuirien.com/vb/f18/)
-   -   فـســاد الــقــاضــــي>> (http://www.alqesuirien.com/vb/t1029.html)

ســعـود 03-12-2011 06:44 PM

فـســاد الــقــاضــــي>>
 




عند راعي الحمام علشان يقطّع الحمامه فقال له راعي الحمام خلاص روح







وارجع بعد ربع ساعة وتعال لي تلقاها جاهزة





قال له صاحب الحمامه : خلاص اوكى






*



مــر قاضى المدينة على راعي الحمام










قال له راعى الحمام : والله ماعندى الا هذى الحمامه وهى لرجال بيرجع الحين







قال له القاضى : خلاص عطني اياها واذا جاك صاحبها قول له الحمامه طارت





قال راعى الحمام : وشلون مايصير؟ هو جايبها ميته كيف ؟





قال له القاضى : اقول لك قول له كذا ولا عليك وخليه يشتكى ولا يهمك





قال راعى : لحمام اوكى والله يستر










جاء صاحب الحمامه عند راعى الحمام وقال له وين حمامتي ماخلصت




قال له راعى الحمام : والله حمامتك طارت





قال صاحب الحمامه : وش تقول كيف؟ صاحى انت. أنا جايبها ميتة





وصار بينهم شد في الكلام وبغوا يتهاوشون





فقال صاحب الحمامه : امش معاى للقاضي علشان يحكم بينا هناك ويطلع الحق







راحوا للقاضي وعند ذهابهم للقاضي في الطريق شافوا اثنين يتهاوشون




واحد مسلم والثاني يهودي





جـاء راعي محل الحمام يفرع بينهم ( يفرق بينهم ) ولكن إصبعه





دخل في عين اليهودي وفقعها





فتجمع الناس ومسكوا راعي محل الحمام وقالوا هذا اللي فقع عين اليهودي






فصارت القضية قضيتين فوق رأسه







فجرّوه للمحكمة عند القاضي فيوم قربوا من المحكمة حاول يفلت منهم وهرب




وجروا وراه يلحقونه يبون يحاكمونه لكنه دخل في مسجد وهم وراه





وطلع فوق المنارة وهم وراه آخرتها طمر نقز من فوق المناره إلا وهو على شايب





مات الشايب من أثر طيحت راعى محل الحمام عليه





جـاء ولد الشايب وشاف أبوه ميت فلحق راعى محل الحمام ومسكه هو ومعاه باقي الناس







فذهبوا به إلى القاضي





فلما شافه القاضي ضحك يفكره علشان سالفة الحمامه





مادرى أنه عليه ثلاث قضايا





1) سرقة الحمامه


2) فقع عين اليهودي




3)قتل الشايب





فعندما علم القاضي مسك راسه وقال عز الله انك جبت العيد









فجلس يفكر القاضي وقال خلونا ناخذ القضايا وحدة بوحدة


*



المهم نادى القاضي صاحب الحمامه












قال له القاضي: وش تقول في دعواك على راعى محل الحمام


قال صاحب الحمامه : هذا ياقاضى سرق حمامتي وأنا معطيه إياها وهى ميتة













ويقول إنها طارت كيف ياقاضى؟؟





قال القاضي : هل تؤمن بالله





قال صاحب الحمامه : نعم أؤمن بالله





قال له القاضي : ( يحيي العظام وهى رميم)


قم مالك شي















*



فجابوا اليهودي وقالوا هذا يا قاضى فقع عينه راعى الحمام فجلس القاضي يحوس ويفكر ويطلع وينزل


فقال القاضي لليهودي : دية المسلم للكافر النصف يعنى (نفقع عينك الثانية


علشان تفقع عين وحدة للمسلم) (راعى الحمام )













فقال اليهودي : خلاص أنا أتنازل ماعاد أبى شي منه





فقال القاضي : عطونا القضية الثالثة *


*


جاء ولد الشايب اللي توفى وقال : يا قاضى هذا الرجل نقز على أبوى وقتله **













ففكر القاضي وقال : خلاص روحوا عند المنارة و تطلع أنت يالولد فوق وتنقز





على راعى الحمام






فقال الولد للقاضي : طيب وإذا تحرك يمين ولا يسار يمكن أموت أنا



قال القاضي : والله هذى مو مشكلتي ، أبوك ليش ما تحرك يمين ولا يسار؟؟؟


*











* مايستفاد : مهما جبت العيد ومهما كانت الجريمة بشعة ، هناك دائما من يستطيع




اخراجك منها مثل الشعرة من العجين






منصور القصيري 04-12-2011 11:15 AM

اخوي سعود
الله يعطيك العافية على النقل

المرقب العالي 08-12-2011 01:26 AM

قصه رائعه
احسنت الاختيار
الله يعطيك العافيه

ســعـود 08-12-2011 10:45 PM

منصور القصيري

المرقب العالي

اشكركم على المرور..

فهد بندر القصيري 09-12-2011 01:31 PM

الاخ /سعود
يعطيك العافيه علا النقل الرائع موضوع مفيد
تقبل تحياتي

عبدالله بندر القصيري 09-12-2011 03:52 PM

يعطيك العافيه ياسعود
تقبل تحياتي

نايف القصيري 09-12-2011 06:49 PM

يعطيك العافيه اخوي سعود موضوع اعتقد انه خيالي في مبالغه عن اللازم احسنت الاختيار

تقبل مروري

ســعـود 09-12-2011 09:21 PM

ابو محمد القصيري
عبد الله بندر
اشكركم على مروركم

نايف القصيري يعطيك العافيه . بالنسبه للقصه لها هدف
الاطار العام قصه عابره
الهدف الرئيسي .إذا ابيك مأأحد ياقف في طريقك.
مابيك لو عندك مايثبت انك بري بالنهايه مذنب.

فلاج المعلث 10-12-2011 12:08 PM

شكرا يا ابو عبدالعزيز 0 موضوع ممتع ومن الخيال مايواقغ الحقائق 0 تقبل احترامي

ذيب قطن 10-12-2011 12:21 PM

مشكور سعود موضوع مميز
يعطيك العافيه علا النقل الرائع موضوع مفيد
تقبل تحياتي وتقديري

ســعـود 10-12-2011 01:53 PM

فلاج المعلث.

ذيب قطن .
اشكركم والله يعافيكم.

بريق ألمآس 14-12-2011 11:40 PM

قصة جميلة
شكرا على النقل
يعطيك العافيه

ســعـود 25-12-2011 12:10 AM

بريق ألماس
اشكرك على مرورك ..


الساعة الآن 10:41 AM.

Powered by vBulletin® Version 3.8.7
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team