بسم الله الرحمن الرحيم
اخواني الاعزاء اعضاء وزوار المنتدى اضع بين ايديكم هذه القصيدة وهي من قصائدي القديمه عسى تنال اعجابكم

أنشهد أن الرجل لاقل ماله=يهون عند الناس لو كان رجال
عزى لمن تقصر عن الماء حباله=وليا بغاها حولت به على الجال
لو كان وده بالوفاء والجماله=تصعب عليه أن كان ما ياجد المال
يالله يا مرسي رواسي جباله=تفرج لرجال عليه الدهر مال
شفته بحال يعلم الله بحاله=متكدرا باله ولا يشرح البال
يا عونت الله بعد وقتا مضاله=كلا يبي يسمع مقاله ليا قال
واليوم صدو عنه حتى عياله=والناس حطوبه قصيرات واطوال
ما يذكرون الطيبه من خصاله=لا جاء مجاله قيل به شيء ما يقال
يقطعك يالدنيا سوات المحاله=دوراتها عجلات وقفاي واقبال
يا ناس خلوا كل واحد وفاله=مافيه داعي ياهل القيل والقال
عفوا وكفوا واعرضوا عن مجاله=باب النميمه للشياطين مدخال
ترى النميمه من سلوب النذاله=واللي مشى فيها مشى درب الانذال
ما يتبع الغرات غير الثعاله=على الدسايس عايشه زهر الاذيال
إما حكى بفلان و الإحكاله=مثل الذباب اللي للأمراض نقال
ياللي تقول الرجل ماهو دلاله=تراه فعل الطيب مع صف الابطال
ماهو بزين اللبس والإ جماله=ما قدمت يمناه من زين الافعال
كم واحد تعجبك هيئة خياله=يموت ماقدم من الخير مثقال
يقوله اللي ما يحب الختاله=ولا هو على غرات الاجواد ختال

الموضوع الأصلي: أنشهد أن الرجل لاقل ماله || الكاتب: سالم القصيري || المصدر: منتديات القصيرين من حرب

المصدر: منتديات القصيرين من حرب

صح لسانك ياأبو عبدالله
تقبل تحياتي وتقديري

يـقـطـعـك يـالـدنـيـا ســــوات الـمـحـالــه دوراتــهــا عــجــلات وقــفــاي واقــبـــال
صح لسانك يا ابوعبدالله