منتديات القصيرين من حرب

منتديات القصيرين من حرب (http://www.alqesuirien.com/vb/)
-   الالغاز المحلولة (http://www.alqesuirien.com/vb/f60/)
-   -   ياويش عود(ن) جثته بالجرازه (http://www.alqesuirien.com/vb/t2397.html)

الساهر 17-03-2012 01:54 AM

ياويش عود(ن) جثته بالجرازه
 
لغـز للشـاعـر حمـود محمـد القـصيـري


اللغز فن وكل فن بطرازه=دانة بحر بالغيص محدن ضمنها

نيشان مركوز(ن) تهزه اركازه=ورمي التفق تقول يومر وينهى

بدعت لغز(ن) روعته في اعجازه=بضاعته بالسوق نعرف ثمنها

ياويش عود(ن) جثته بالجرازه=جنازتن في نجد محدن دفنها

بقضيتن أطرافها في محازه=حضار تقل شهود فيها ومنها

وحضر المهلهل وابن الوليد وعنازه=والكل منهم بوقفته صدّ عنها

ولو فرغوا كل القضاة لنجازه=مافيهم اللي بت واحضر كفنها

ابوماجد 20-03-2012 01:18 PM

كان ماهو قطن والعلم عند الله

رفيع الذوق 29-03-2012 08:31 PM

صح لسان الشاعر ابو رياض
اخي الساهر حل اللغز هو قطن القديم ( السليل )

زمان الصمت 25-06-2012 12:43 AM

ماهو وادي الرمه

زمان الصمت 27-06-2012 02:40 AM

العود(مسيح الدجال )

القضيتين ناقت صالح والحواره

الحضار وشهود (الإبل )

واللي صد عنها خالد بن الوليد ( مدائن صالح )
كافيهم اللي بت واحضر كفنها (يوم ألقائمه)

هذا حل الغز
مرماع محمد بن مانع مليحان القصيري

زمان الصمت 12-08-2012 07:16 AM

الاخ العزيز / ابو زياد العويمري
انت مراقب للالغاز الشعريه موجود اللغز اللي جثته في جرازه عطيت مرماع للغز وماجاء الرد لا صح ولا خطا والمرماع حاطه لي شهرين ... وانت لو حليت اللغز ولا عطيتك عليه لا صح ولا خطا وش بكون ردت فعلك .... ياتخليه يصححلنا الحل والا شيل اللغز

أبوزياد العويمري 12-08-2012 08:25 AM

أخوي محمد مانع بالنسبه لهذا اللغز لا اعرف عنه شي سبق وإن طرحه الاخ الساهر
من فتره ولم يرد على الحلول المطروحه من قبل الاعضاء وهذا الشي راجع له ولكن
سبق وإن وضعنا قوانين ونقاط تخص الالغاز وما يطرح منها في هذا المنتدى وهي
مثبته في قسم الالغاز يمكن الاطلاع عليها من قبل اي عضو يريد إن يطرح مشاركه
وذكرنا فيها إن صاحب اللغز او المشاركه يجب إن يكون متواجد ومتفاعل مع الاعضاء
حول ما يرد من محاولات لحل اللغز او يتم حذف اللغز او رفعه حسب مايرونه الاخوان بإدارة
المنتدى والحمدلله إن اغلبيه المشاركات كانو اصحابها ملتزمين ومتعاونين بهذه النقاط ومتفاعلين مع
الردود ماعادا مشاركه او مشاركتين وقد يكون الشخص الذي طرح المشاركه غير متواجد بالمنتدى
او لديه ظروف وفيما يخض هذا اللغز سوف اناقش الاخوان بإدارة المنتدى إذا احد يعرف حله او يتم حذفه


$تحياتي لك وللجميع $

الطالب 13-08-2012 01:04 AM

يـــاويــــش عـــــــود(ن) جــثــتـــه بــالــجـــرازه جــنــازتــن فـــــــي نـــجــــد مـــحــــدن دفــنــهـــا
بــقــضــيــتـــن أطـــرافــــهــــا فـــــــــــي مـــــحــــــازه حـــضـــار تـــقـــل شـــهـــود فــيــهــا ومــنــهــا
وحضر المهلهل وابن الوليد وعنازه والـــكــــل مــنــهـــم بـوقــفــتــه صـــــــدّ عــنــهـــا
ولــــــو فـــرغـــوا كـــــــل الــقــضـــاة لــنــجـــازه مـافـيـهـم الــلــي بــــت واحــضـــر كـفـنـهــا
استفسار
اطرافها في محازه لم افهم حقيقة
واللغز يلفه الغموض

ابوعبدالله 05-09-2012 07:54 PM

اخوي زمان اصمت الغز الذي تسال عن حله هذا الغز معروف وهو الشاعر حمود محمد القصيري
حله جبل قطن ومطروح في منتدى الوهاج تحياتي لك وجميع اعضاء منتدي القصيرين


الساعة الآن 11:58 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team