منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى الشعر الشعبي (http://www.alqesuirien.com/vb/f17/)
-   -   سلام ياحرب (http://www.alqesuirien.com/vb/t2480.html)

ابو سند 01-04-2012 10:49 AM

سلام ياحرب
 
إهداء إلى قبيلة حرب بصفة عامة..وللأخ العزيز:محمد بن جزاء الحربي قائد قوة أمن الطرق بمنطقة الجوف بصفة خاصة.

((ســـلام ياحـرب الـمواقـف))
سلام ياحرب المواقف والامجاد * من شاعر صادق وصدره شمالي
لكم لكم ياخيرة الناس الاجواد * ماهو نفاق أقسم برب الجلالي
شبابكم واطفالكم عقب الاعواد * من كل فرد يطول منه وينالي
ياحرب عنكم منبع الطيب ماحاد * عندي جواب وليه أدور سؤالي
وقفاتكم ماتعرف حدود وابعاد * ياقروم نجد أبمدنها والسهالي
ارداكم الي علمة بروس الاشهاد * عند اللوازم يرتكي للثقالي
وصدوركم قبل المجالس بها شاد * من جالكم ياوافيين الخصالي
خوة رجال وعزة النفس تزداد* دون الخوي يرخص لكم كل غالي
والطيب فيكم بين صادر ووراد * متوارثينه ياقروم الرجالي
ماتعرفون الغدر والبوق لو ساد * جوع الكفر ما ترتظون الخمالي
عنكم عطونا اباءنا علم الاجداد * عن فعل أهلكم بالسنين الخوالي
مع جاركم ياما تقاسمتوا الزاد * ومع الخوي عضد وسند وارتجالي
والواقع الي ساد من فوق الاسياد * يركع ذليل أن شاف قرم العيالي
يثبت الى منه زعل مثل الاوتاد * حتى يطول الي يبيه وينالي
يالابة الفزعة بحزات الانكاد * يامنبع الطيب وسمو المعالي
ياحرب هذا هو ولدكم ويزداد * طيب وشموخ وعز ماله مثالي
الناس في وادي وهو عنهم بواد * همه يروم النايفات العوالي
كل يوم يولد له من المجد ميلاد * طبعه كذا ماهو كبر أو تعالي
تجي له الدنياء على كيف ماراد * واذا سعى جاب الصعيب المحالي
يقود له قوات ضباط وافراد * حكمة وحنكة واعتدال وكمالي
ماجاء يتعود جالنا القرم معتاد * من فعل أبوه ولابته والخوالي
صدره فياض ورادع أعقول الاوغاد * لين وقاسي ميلته باعتدالي
وأن قال يفعل وأن وعد يوفي اوكاد * يرسي كما ترسي رواسي الجبالي
من قبل عرفه صرت سرداد مرداد * ومن كثرة التفكير مشغول بالي
ساقتني الصدفه على نسل الاجواد * ورميت حملي وارتكاله وشالي
ويلي عن أسم أبن الاجاويد نشاد * أسمة وعلمة عز لاجا مجالي
هذا (محمد بن جزاء) درع وسناد * القاه لاجار الزمن لي موالي
(أبوفهد) كن المراجل له اولاد * والطيب يندى من يمين لشمالي
بينه وبين ابهاجة الروح ميعاد * ذيب(ن) تعرفة زين سود الليالي
(يابوفهد) يالله عسى ايامك أعياد * جمعت شملي يالوفي في عيالي
***

الشاعر/ إبراهيم غضيان الشراري (أبو سند)


ابو خالد القصيري 01-04-2012 03:18 PM

هذا من وفاك وطيبك يابو سند وبو فهد يستاهل المدح وطيبه من طيب القبيله
واشكرك على هذه الابيات الجميله وتقبل مروري

محمدالقصيري 01-04-2012 04:17 PM

ساقتني الصدفه على نسل الاجواد * ورميت حملي وارتكاله وشالي
ويلي عن أسم أبن الاجاويد نشاد * أسمة وعلمة عز لاجا مجالي
هذا (محمد بن جزاء) درع وسناد * القاه لاجار الزمن لي موالي
(أبوفهد) كن المراجل له اولاد * والطيب يندى من يمين لشمالي
بينه وبين ابهاجة الروح ميعاد * ذيب(ن) تعرفة زين سود الليالي
(يابوفهد) يالله عسى ايامك أعياد * جمعت شملي يالوفي في عيالي
صــــــــح السانك ابو سند ومحمد ابن جزاء يستاهل المدح وانت وافي وما قصرت وبيض الله وجهك
اتمنى لك التوفيق

محمد فلاح القصيري 01-04-2012 09:36 PM

هلا ومرحبا براعي الوفا الشاعر / ابراهيم غضيان الشراري
صح لسانك وبيض الله وجهك علي رد الثنا وهذا من طيبك والأخ / محمد بن جزاء الحربي كفو ويستاهل المدح وأنت وفيت ولا قصرت والطيب لا يستغرب من مثلك وشرواك وكما قال الشاعر ( الطيب لاتستغربه من أهل الطيب اللي لهم في عالم الطيب خبره أوسع علي الأجواد من فيضت شعيب وأضوق علي الأنزال من ثقب الأبرة ) صح لسانك أخوي الشاعر أبو سند قصيدة جزلة من شاعر جزل يستمتع قارئها شامخة في شموخ شاعرها وأشكرك جزيل الشكر
تقبل تحياتي واحترامي وتقديري

فلاج المعلث 01-04-2012 11:05 PM

الله يحييك يا ابو سند وصح لسانك مدد بلا عدد طيبك ووفائك واضح ومحمد بن جزاء يستاهل اكرر الترحيب واتمنى لك التوفيق

أبوزياد العويمري 01-04-2012 11:33 PM

يا مرحبا حياك الله يا أبوسند الشراري وصح لسانك وبيض الله وجهك على رد الثناء ومحمد جزاء الحربي ما قصر
وأنت تستاهل الطيب ومره ثانيه أشكرك على هذه القصيده الطيبه والجزله والتي ماتستغرب من مثلك وشرواك


$ تحياتي لك وتقديري $

منصور القصيري 02-04-2012 09:54 AM

الشاعر إبراهيم الشراري صح لسانك
وبيض الله وجهك على هذه
المشاركة الرائعة
تحياتي لك
،،



الصامل 02-04-2012 04:59 PM

حياك الله يابو سند وبيض الله وجهك وصح لسانك وافي ومحمد جزاء يستاهل الطيب تقبل ودي واحترامي

الوافي 02-04-2012 09:00 PM

صح لسانك وبيض الله وجهك يأبوسند قصيدة جزلة من شاعر جزل تحياتي لك وتقديري

سالم القصيري 02-04-2012 09:18 PM

حياك الله يابوسند قصيده وافيه من شاعروفي ومحمد جزاء يستاهل المدح بيض الله وجهك

ناصر ابن عويمر 02-04-2012 11:23 PM

صح لسانك يا ابوسند

أحمد هايل 03-04-2012 10:09 AM

صح لساانك ياأبوسند
وبيض الله وجهك
وأبوجزاء يستاهل المدح
تقبل مروري بكل ود واحترام

فواز بن سعود 06-04-2012 04:51 PM

الشاعر / إبراهيم الشراري .. أبو سند


صح السانك ولا هنت على القصيده الجزله

مدحت من يستحق المدح وأبدعت في نظم قصيدتك الرائعة

وقبيلة حرب ، دائماً سباقة لفعل الخير وعمل المعروف ولها مواقف عديده مشرفه
وعند القبائل الاخرى معروفه بالوفاء والصدق وهذا من طبع الرجال الشرفاء

وبالتأكيد أن جميع القبائل لها مكانتها وتقديرها وتستحق المدح والثناء

وأنت شاعر من قبيلة نكن لها كل التقدير والإحترام والود ولها في قلوبنا مكانه عاليه

أشكرك على وضع هذه القصيده في المنتدى وأشكرك على نشرها..


تقبل مني صادق الشكر والتحايا..

.
.

عبداللطيف القصيري 08-04-2012 09:49 PM

حياك الله يابو سند
صح لسانك

سعد بن غالب 08-04-2012 10:07 PM

حياك الله يا ابو سند وبيض الله وجهك
وافي والممدوح يستاهل المدح

تحياتي وتقديري

ابو سند 10-04-2012 04:14 AM

رد
 
مروركم ونزف أقلامكم .. يعني لي الشيئ الكثير .. دمت إيه الاوفياء بحفظ الله ورعايتة.
محبكم : إبراهيم غضيان الشراري ( أبو سند )

بندر فلاح 11-04-2012 01:23 PM

حياك الله يابراهيم وصح لسانك وبيض الله وجهك ولايثمن المعروف الى اصحابه

ومحمد جزاء كفو وانتم تستاهلون سلملي على ابوسعد وعلى خلف الاسيد وعلى الصوت الشمالي وعلى

ابونواف وعلى محمد جزاء وعلى جميع من تعزه من الرجال الاوفياء

نواف الغازي 12-04-2012 10:32 PM

ابوسند


بيض الله وجهك .... ونعم فيك

وياهلا مرحبا فيك عزيز وغالي


صح السانك ... واعتلا شانك


وتقبل مروووووووووووري



وننتظر المزيد

صدام 05-01-2013 07:31 AM

صح لسانك وبيض الله وجهك


الساعة الآن 02:04 PM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team