منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   ذعذاع الصبا (http://www.alqesuirien.com/vb/t2863.html)

الشبل القطناوي 23-05-2012 03:52 PM

ذعذاع الصبا
 

يا سلامي عد ما هب ذعذاع الصبا
وعد ما ميل بذعذاعه الغصن الرطيب


وعد ما قيلت هلا مرحبا يا مرحبا
وعد ما نادا المنادي و لبّاه المجيب

وعد ما ذاعت و كالات الانباء من نبا
وعد ما رد الخبر من بعيد و من قريب

لمنتدى ربعي وقافي لربعي يطربا
وكل ما غنيت ليّه من الطيب نصيب

حبكم يالربع في داخل أعماقي ربا
وكل ما اكبر معي يكبر واشيب ولا يشيب

و المعزّه وسط قلبي لها كرسي سبا
و بالحميّه لجلكم واقفٍ عظمي صليب

وفي صفا الايام والا الزمان الاشهبا
ما تغير شجرةٍ ساسها الأول عريب

قصيرين ونزلهم دايمًا عال النبا
اشهر من النّار فوق العلم تلهب لهيب

للكرم منارةٍ مثل منارة قبا
مزبن الخايف ولطم المعادي والحريب

ما جهلهم غير من فيه جهل وبه غبا
ضايعن يقين قلبه وبه شكٍ وريب

ومن خلف خير السلف طول يمشي ما حبا
دام راسك حر طول السحاب ولا تهيب

و الهديه لاجلكم كل حرفٍ يجتبا
و القريحه حاضره تطلع الشمس وتغيب

و الحظيظ اللي لطاعت نبيه ما آبا
و الله ان اللي يتمسك بدينه ما يخيب

والنهايه كل ماهب ذعذاع الصبا
يا صلاة الله على سيد الخلق المنيب

الشاعر / عجمي بن نداء الديري

فواز بن سعود 23-05-2012 07:38 PM


،

صح السآان الشآاعر .. عجمي بن نداء الديري

لقـد توجنآا وألبسنآا بـ قصيدته تـآاج من الفخـر والشرف والاعتزآاز
مدح ربعه وأثنى عليهم خير ثناء وأهداهم أبيآات جزيلة جميلة مشرفة

يحق لنآا أن نفخر ونتشرف به ومن كآان مثله ونعتز بـ شعره وفكره
أسعدني كثيراً أني قرأت للشآاعر .. عجمي ، هذه القصيدة الرآائعة

في إنتظــــآار المزيد والجديد
للشآاعر ،،
عجمي بن نداء الديري ..


كل الشكر لك أخوي الشبل القطنآاوي على النقل المميز والرآاقي


لك مني وآافر التحيه والتقدير والإحترآام


|..




احساس شاعر 23-05-2012 11:43 PM

الشبل القطناوي

مشكور على النقل ويعطيك العافيه





صح السانك


ياعجمي بن نداء


انت كفو وربعك كفو ويستاهلون الطيب


تقبل اجمل واصدق التحايا



سعد بن غالب 24-05-2012 12:15 AM

الشبل القطناوي لا هنت على النقل ويعطيك العافيه
الشاعر ... عجمي بن نداء .... صح السانك وبارك الله فيك ولاهو بمستغرب منك هذا الشعور ....سعدنا بهذه المشاركة المنقولة والفضل للاخ (الشبل القطناوي ) لكن نتمنى تواجدك كـ عضو في المنتدى ..
تحياتي للجميع

أبوزياد العويمري 24-05-2012 12:16 AM

الله يعطيك العافيه يا الشبل على النقل وصح لسان الشاعر عجمي نداء الديري ما قصر وربعه القصيرين يستاهلون

بريق ألمآس 24-05-2012 01:52 AM

صح السان الشاعر
لاهنت على الطرح

فلاج المعلث 24-05-2012 12:12 PM

حبكم يالربع في داخل أعماقي ربا
وكل ما اكبر معي يكبر واشيب ولا يشيب

و المعزّه وسط قلبي لها كرسي سبا
و بالحميّه لجلكم واقفٍ عظمي صليب

الشبل القطناوي 0 شكرا لك على النقل والمجهود الواضح والمميز وصح لسان الشاعر عجمي نداء الديري ولايستغرب ذلك منه فهو الشبل من ذاك الاسد شاعر متمكن والنعم به وبك وبربعنا القصيرين ومن حقه الافتخار بهم 0 بيض الله وجهك ووجه وشكرا لكم مرة اخرى

منصور القصيري 26-05-2012 11:54 AM

صح لسان الشاعر عجمي الديري
اشكره على هذه القصيدة الجميلة واتمنى تواجده بالمنتدى
والشكر موصول لخوي الشبل القطناوي على النقل
تحياتي للجميع

الشبل القطناوي 26-05-2012 07:55 PM

فواز بن سعود ؛احساس شاعر ؛ سعد بن غالب ؛ابو زياد العويمري ؛ بريق الماس ؛ فلاج المعلث ؛ منصور القصيري
يعطيكم العافيه والله لايهنيكم ولا عليكم زود وسراحه انا مقصر مع المنتدى لاكن اتمنى ان تكون مشاركتي تكون في ربعي وديرتي
ودمتم بكل ود

ســعـود 26-05-2012 11:11 PM

صح السان الشاعر عجمي .
ويعطيك العافيه يالشبل القطناوي على نقل القصيده .

الشبل القطناوي 27-05-2012 09:59 AM

صح بدنك والله يعافيك اخوي سعود


الساعة الآن 03:40 PM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team