ما قدرت تحبني ليه يالقلب الكبير=وانت وحدك تسكن القلب ياغاية مناه
النوايا البيض ما تجبر العظم الكسير=كان ما سهّرك حبي وعناك بعناه
ما كفاني يوم اعني لك الشي الكثير=وانت فيني روح والروح ما عنها غناه
انت بيدك يا اريش العين تحديد المصير=وانا بيديني ثمار الغلا واطيب جناه
ان بقيت اسير للحزن لليوم الاخير=وان لقيت الفرح في يوم واسعفني هناه
طال صبري والزمن طال بالحبل القصير=وما بقى فيني ولا في الزمن حلم واناه
ان بكيت من المقادير والوقت المرير=ما بقى للشعر طير يسليني غناه
وان بقيت اقول ياوقتي حسابك عسير=ما بقى للحلم نجم يقديني سناه
وانت تعرف صاحبك مختلف وانسان غير=في الزمان الصعب يقدر يهد اللي بناه
عبدالله علي الشمراني

الموضوع الأصلي: ما قدرت تحبني ليه يالقلب الكبير || الكاتب: فلاج المعلث || المصدر: منتديات القصيرين من حرب

المصدر: منتديات القصيرين من حرب

شكرا لك ياابو محمد
على نقل هذه القصيدة
صح لسان شاعرها
,,,