منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   خداع الذات (http://www.alqesuirien.com/vb/t3003.html)

فلاج المعلث 12-06-2012 10:50 AM

خداع الذات
 
خداع الذات



أكابر على جرحي وأبرر خداع الذات

اعاند ذهولي وأعبر الليل باوجاعي

اجمّع بقايا الحيل مير الظنون اشتات

الوم البحر واثره خطا الريح واشراعي

حبيبتي يتوه بعالم الوجد والآهات

وسيع المدارك صاحب المنطق الواعي

وانا لو رسمتك بسمة العمر فالابيات

توارى القناعه والالم يكسر أبداعي

ترا دمعة وحده صداها عشر ونات

سوات المطر واحد ونبت الثراء انواعي

انا ابكي عليك أوقات واشفق عليك أوقات

شعور الفقير اللي وجد نفسه اقطاعي

وانا اخشا يصيبك ذنب والأ ترا الشمّات

يحذف السما والحذف يرجع علي القاعي

عشقتك بلون الفجر فوق أبيض الرايات

واظنك قبل حبي تولعت باطباعي

وانا بعدك أغضي لو تجي حلوة الحلوات

لو أن رمشها فتان واعيونها وساعي

عيوني عجيبه والكفوف كثر إحكايات

بعد فقد غصن البان ترفص عسى الراعي

برغم اني اخطيتك وحلم المشاعر مات

وغير الوفاء لك ما بقا شي ماضاعي

خفوقي يفز ويرتعش مثل وقت فات

له ايام ذا حاله ولا أدري وش الدّاعي

خالد البقمي

منقول : جريدة الرياض

محمدالقصيري 12-06-2012 02:58 PM

وانا اخشا يصيبك ذنب والأ ترا الشمّات
يحذف السما والحذف يرجع علي القاعي

صح السان الشاعر خالد البقمي
الله لا يهينك ابو محمد علا هذا النقل الرائع
لك ودي وتقديري



الساعة الآن 12:17 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team