منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى الشعر الشعبي (http://www.alqesuirien.com/vb/f17/)
-   -   ياهل قطن (http://www.alqesuirien.com/vb/t3145.html)

ابو سند 30-06-2012 06:58 PM

ياهل قطن
 


ياهل قطن يارجال الجود
ياهل قطن يارجال الجود. خويكم وشي اخباره
له وقت غايب ماهو موجود. فاقد على الساحه شعاره
ياأنتم عطوني خبر موكود. ولا تعنيت للدياره
أنتم عرفتوا من المقصود. لا تكون الافكار محتاره
الأخ فواز أبن سعود. اللي رفيع أبمقداره
الشاعر/ إبراهيم غضيان الشراري( أبو سند)



محمد 01-07-2012 02:56 AM

الشاعر المبدع: ابراهيم الشراري


صح السانك وبيض الله وجهك


وافي يا ابو سند وهذا من طيب معدنك


واخونا فواز اكيد عنده ارتباطاته هي اللي منعته من المشاركة .


ولكن سوف يعود لمشاركتنا في المواضيع


تقبل مني اعذب تحية


لك ودي
.
.

فلاج المعلث 01-07-2012 11:52 AM

مرحبا ابو سند 0 وفواز سعود ان شاء الله انه بخير وهو واي عضو بهذا المنتدى له حريته في تواجده ومشاركاته وكما ذكر الاخ محمد 0ربما يكون مشغول في ارتباطاته الخاصة اشكرك على هذه الابيات والتي تمثلت بسوالك عن زميل عزيز وغالي على الجميع 0 تقبل تحياتي

محمدالقصيري 01-07-2012 03:23 PM

صح السانك ابو سند وبيض الله وجهك علا هذ الشعور الطيب تجاه العضو فواز سعود ويستاهل ابو سعود
لكن كما ذكر محمد قد يكون مشغول بالارتباطات الشخصية
وهو بخير والف نعمة

ابوزنيفر 01-07-2012 06:04 PM

حياك الله يابوسند وصح السانك ومشكور على مشاعرك الطيبه اتجاه اخونا فوازسعود انته ماقصرت وهو يستاهل


اعداد مقبل نسيم النود=يامرحبا بطيب اعباره
يابوسند زورنا وتعود=مشوار ترفيه وزياره
واليوم كلش اسهود امهود=ماجود موتر وطياره
مابه جمارك ولااش احدود=بالعولمه عالماّ حاره
ومشكور جداّ على المجهود=والناس بالخير مختاره


ابو خالد القصيري 01-07-2012 08:20 PM

صح لسانك يابو سند ومشكور على القصيده الموجهه لفواز سعود وهذا شعور ليسى بالغريب عليك اتجاه المنتدى واعضاء

المنتدى شاكرين تواجدك وجهودك وانا ايضا مع من يطلب منك الزياره

وتقبل مروووري ولك اجمل تحياتي

ابو سند 01-07-2012 09:37 PM



يشهد الله أن مافيكم اليّ رخيص عندي وأن كلكم معزتكم واحده.وماهو بس أنتم (يالقصيرين ) لاوالله العظيم أنها لكل حربي صغير أو كبير.
أبو زنيفر..الله يمسيك بالخير أنت وجميع الأخوان..خلوها..
الجود دايم من الماجود..وأيام الانسان دواره
يابو زنيفر ترا المنقود..بعيد عنكم بمشواره

خل الزياره بليا وعود..وأجي لكم هاجم بغاره
والله يالكم غلا مشهود..عالي عن الناس مقداره
بأمر الله الواحد المعبود..عالم خفى العبد وأسراره
لأجيلكم باليال السود..وأزور كل واحد بداره
تحياتي و ودي واحترامي. دمتم بحفظ الله ورعايتة..
الشاعر/ إبراهيم غضيان الشراري( أبو سند)

ابوزنيفر 02-07-2012 05:34 AM

ابو سند الله يصبحك بالخير صح لسانك والشك زايل وانتة عزيز وغالي


يا ابن آخ من حط روس القـــود= هوادي القـدر عن نـــاره
عــلمن وكــــاد وعلــية شـهـود=مايقدر الحاســـد انـكــاره
ولابــه علـــى كــل طــيـــب زود=كم نــــاس لنــعــم دواره
وفعل الذويـبي ماهـو مجــحــود=مثل البلالي على جــــاره
ونويــشي بــســيفه الـمجـــرود=كــرم خويـة وأخــذ ثـــاره
والنـاس ماتجـهــل المقـــصود =وحجرف عّدل بين خطـاره


ناصر ابن عويمر 02-07-2012 12:06 PM

صح لسان الشاعرين
ابو سند وابو زنيفر
ابو زنيفر حسب رساله سابقه لك انك لاتجيد الكتابه على الكمبيوتر وقيادة السياره
لذلك اتوقع ويمكن اني غلطان ان الذي فدا ابن جاره البلالي وليس البلادي وانه حدث خطا إملائي ومنكم نستفيد
تقبل مروري وتحياتي للجميع

ابوزنيفر 02-07-2012 12:57 PM

اخوي ناصر صح بدنك جزاك الله خير على التنبية عن الخطأ الاملائي ومثل ماقلت الي يكتب لي ويسوق السيارة زنيفر الله يصلحه

ناصر ابن عويمر 02-07-2012 03:40 PM

شكرًا ابو زنيفر الله يطول عمرك ويخلي لك زنيفر ان شاء الله
قصيده لاتتجاوز ستة ابيات اوردت فيها اكثر من قصه رائعه في الكرم والتحدي والتضحيه والفدا
مبدع دائماً

فواز بن سعود 03-07-2012 12:39 AM


،

صح السانك أبو سند ..
وأنت رجل وافي بكل ما تعني الكلمة
وسؤالك عني رغم تقصيري
دليل على أخلاقك الطيبه وصفاء قلبك

وأبشرك أنا بخير وصحه وسلامه
ولكن ظروف العمل خلال الفترة الماضية والحالية هي ما جعلتني أنقطع
وأنا أعتذر من الجميع على هذا الإنقطاع وبإذن الله في الأيام القادمة سأكون متواجد ،،

وأقولك يابو سند لي رجعه للموضوع هذا ولجميع مشاركاتك

ولك مني تحية خاصة لشخصك الكريم والنبيل

في أمان الله ،

|..



ابو سند 05-07-2012 02:45 PM


الأخ العزيز/ فواز بن سعود..الحمد لله مادمت بخير وأنت ومكن هم على شاكلتك نفقدهم عندما يغيبون . الحمدلله على كل حال. وأشكر جميع الزملاء الذين شاركوني
بموضوعي هذا .
تحياتي و ودي واحترامي. دمتم بحفظ الله ورعايتة..
الشاعر/ إبراهيم غضيان الشراري( أبو سند)

منصور القصيري 05-07-2012 05:17 PM

صح لسان الشاعرين
أبو سند وابو زنيفر
شكرا لكم على الحضور والمشاركة بهذه الابيات الرائعة
الله يعطيكم العافية

زمان الصمت 07-09-2012 09:34 PM

صح لسانك على القصيده الرائعه وفواز بن سعود يستاهل .. وتقبل تحيات زمان الصمت

ابو سند 07-09-2012 09:46 PM

الأخوة الأعزاء/منصور القصيري .. زمان الصمت.
صح بدنك.وشكراً لكم والله لايهينكم على عباراتكم الرائعه.
تحياتي وودي وأحترامي لكم.
أخوك الشاعر/ إبراهيم بن غضيان الشراري

عزة الدوري 24-10-2014 10:33 PM

صح السانك وبيض الله وجهك


الساعة الآن 05:36 PM.

Powered by vBulletin® Version 3.8.7
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team