منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى الشعر الشعبي (http://www.alqesuirien.com/vb/f17/)
-   -   المجلس براعيه (http://www.alqesuirien.com/vb/t3219.html)

ابو سند 13-07-2012 10:30 PM

المجلس براعيه
 
المجلس براعيه




مسكين يلي تحسب المرجله مال.. المال عمره مايسوي رجاجيل

المرجلة تورث من اجيال لاجيال.. ماهي بمجلس فيه صف المعاميل

يالثور مانته للرجاجيل مدهال.. لو زدت بدلال البذخ كيلة الهيل
ركبت لك موتر جديدن وتختال.. ومزمط بخشمك وراء كل بهليل
وثوب جديد وغترة وميلة عقال.. والنفس قشراء كيف مدري لها تشيل
وسويت لك مجلس وحطيت عمال.. وكثرت لمباته وزدت القناديل
ودك يقال فلان للطيب منزال.. دايم على بيته رجالاً مداهيل
حتى خلا مجلسك من كل الازوال.. لاشافع كبره ولا به منافيل
والله ماسوى سواياك رجال.. لانها عنك أنت تكرم رجاجيل
المجلس براعيه ماهو بالأطوال.. لابالكبر ولا الصغر يالمهابيل
أرجع لماضيك أول وشوف الأعمال.. شف راعي العدلات من راعي الميل
ولا الردي يرجع ردي لو بعد طال.. وأنته ردي مامنك فود ومحاصيل
خذ قرقعه بلسان وأن جت بالافعال.. ترجع ذنب مالك عليها مداخيل
والي يتوعد مختفي له وراء جال.. مايواجه ومرجلته ابهالمراسيل
يرسل على الجوال بطاقة اعمال.. دجاجة من خلقته صايرن ذيل
هذا لو أنه يلبس الكاب والشال.. ستراً على كلمة رجل يالمكاميل
قلت الصحيح وشاعراً جزل لاقال.. يضرب على الاوتار شد المواويل
ومن يرتفع ضغطه على كل الاحوال.. يروح للدكتور يعمل تحاليل
ومن ترتفع حرارته مابها جدال.. بالصيدليه فيه قرص التحاميل


الشاعر/ إبراهيم غضيان الشراري( أبو سند)




ابو خالد القصيري 14-07-2012 02:43 AM

صح لسانك يابو سند وتقبل مروووري والله يوفقك

محمد 14-07-2012 07:54 AM




الشاعر المميز والمبدع : ابراهيم الشراري
صح السانك واعتلا شانك
جزل في كلا حالاتك يا ابو سند
عسى الله يوفقك
لك ودي
اعــذب تحية
.
.

زمان الصمت 16-07-2012 01:36 AM

الشاعر / ابراهيم غضيان الشراري
قال مانع ابن مليحان القصيري
المال قل المال مايعيب الفتى / العيب قصرات الفتى عن حمايله
قصيدة مانع بن مليحان بالمرفوعات قصيدة (الدنيا) وهذا بيت من القصيده ""
وانت شاعر مبدع ونعم فيك وبقبيلتك وصح لسانك وتقبل تحياتي (زمان الصمت)

زمان الصمت 04-09-2012 11:17 PM

أشكرك على هذا النقد الرائع يا أبو سند وتقبل تحياتي
زمان الصمت

صدام 05-01-2013 07:11 AM

صح لسانك وتقبل تحياتي


الساعة الآن 10:16 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team