يالادمي .! ترى الليالي مغره=و كل ما يطول الوقت يكشف لك اسرار
و الوقت لو جربت حلوه و مره=العمر يفنى و الليالي بها اخطار
لو قلت انا جربت .. خيره وشره=تبقى الخوافي،عند علام الاقدار
وذي دبرت الخالق ابحره و بره=اللي بسط سبعٍ و ثلثينها ابحار
بالارض تلقى للمخاليق جره=و الا البحر مابه لمن طبه اثار
و عندي نصيحه لمن سمعها تسره=من تجربه ماهي على همش الاخبار
انصحك عن بيت النذل لا تمره=بعض البشر يلحقك من عرفه اضرار
النذل لو انك بقولك تبره=جزاك من بعد الوفاء بس الانكار
يقول ما سويت مثقال ذره=لو تفرش البيدا شبختر و نوار
باب المغثه يم بيتك يفره=ما قدّر العشرة ولا قدّر الجار
معاشر الانذال نقص ومضره=و معاشر الطيب معزه ومقدار
و احسب حساب اللي جنابك يسره=اللي يبادلك الوفاء سر وجهار
احرص على حقه وحذرا تظره=لا تقابل المعروف في صد ونكار
ورفيقك الصادق ،امانتك سره=لا تبيح سره عند خادع و مكار
و كان العلاقه روحت بالتشره=بعد المفارق خلها نوع تذكار
يالادمي جربت مره و مره=الا ان باقي بالزمن شي ما صار
دايم و دورات الزمن مستمره=و الخلق يفنا حسب تقدير الاعمار
ما فيه حاجه باقيه مستقره=الا صلتك بخالق الكون و النار

الموضوع الأصلي: الليالي مغره .. || الكاتب: محمد || المصدر: منتديات القصيرين من حرب

المصدر: منتديات القصيرين من حرب