كفرت فـي بعـض الجماعـه والاصحـاب=وآمـنـت بالـلـي يـمـلـك الـكــون كـلــه
الواحـد اللـي حكمـتـه خــيـر الاطـبـاب=وقنعـت فــي مـا صـار كـلـه رضىاٍ لــه
ولا نمت عن كسب المراجل والاسباب=ولا صـــاب قـلـبـي خـــوف ولا مــذلــه
واليوم شفني من عنا الوقـت منصـاب=مستـدخـل ٍ تسـعـه وتسـعـيـن عـلــه
تشابكت وسـط الحشـا مثـل الاطنـاب=مـا هـي عـلـوم الـلـي كـتـب بالمجـلـه
لــو صـار بـه مـمـا جــرى فـــيْ هـنــداب=والله مـا يـفـرق فـــي حـرامــه وحــلــه
وصحيـح ما قـال النـبـي عــن الاعــراب=ينسـى اللئيـم ايامـه اللـي مضـىٍ لــه
ينـسـى ولا يـعـرف مقـاديـر وحـســاب=طـمـاع لا شــاف الـولـي ممـهـل ٍ لـــه
وابـلـيـس يـــوم انـــه تـكـبــر ولا تــــاب=لـه كسـب مـن بعـض المـلا يستهـلـه
وبالنـاس باقـي لـه رجاجيـل واحــزاب=لـــو ان مــا كــل الـنـفــوس اخـضـعٍ لـه
والا ردي الــعــرف والــديــن لــو شــاب=متـقـلـب ٍ يـركــب عـلــى كـــل مــلــه
هـذا وانـا مالـي عـن الصـدق مجـنـاب=ومــن تــاه يـلـقـى عـــارف ٍ يسـتـدلـه