منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   سفر دون رجعه (http://www.alqesuirien.com/vb/t3619.html)

فلاج المعلث 16-10-2012 10:50 AM

سفر دون رجعه
 
مع السلامه يالقا حبنا اليوم

غادرت عن حبك سفر دون رجعه

في رحلة الفرقا ترى الأمر محسوم

هذا سفر فرقا على غير جمعه

عن حبك اسافر ولاني بمليوم

دامه لغز ماله من الحل رمعه

تعبت أعيش بدنيتك تقل منجوم

والعمر قفى ما تذوّقت نفعه

عايش على ذكرى مضت كنها احلوم

بألفين وسبعه يوم عشرين سبعه

يوم الغلا من بيننا البين مقسوم

متقاسمينه بين ثلثه وربعه

وهالحين دام المسأله صد وهموم

حب المذله صدّر القلب منعه

أنا مسير بس ماني بمحكوم

وش عاد لو تطفين بالدمع شمعه

أنا إن هجرت الحب فالقصد مفهوم

الحر في نفسه عن الذل رفعه

ابقى الغريب اللي من الحب محروم

وتبقين شوق المغترب يم ربعه

وابقى بدونك حاكما طاح مهزوم

وتبقين مثل الجوهرة دون لمعه

برحل! مدام اللي حصل شي مقسوم

وحلفت ماتذرف لفرقاك دمعه

دامك لغيري حسب عادات وسلوم

الله ولا حبا لتشويه سمعه

مع السلامه آخر ايامنا اليوم

علم ٍ اكيد انه سفر دون رجعه


محمد حلوان الشراري
منقول من جريدة الرياض

منصور القصيري 16-10-2012 11:06 AM

صح لسان الشاعر وشكرا لك ياأبومحمد على النقل

بندر فلاح 16-10-2012 01:34 PM

صح لسان الشاعر والله يعطيك العافيه يابومحمد

محمد سنيد 16-10-2012 02:02 PM

صح لسان الشاعر
والله يعطيك العافيه يابو محمد

وتقبل تحيااااتي


فلاج المعلث 16-10-2012 03:01 PM

ابو ياسر
ابو فهد
الولهان 0
شكرا لكم ومروركم هو كمال المشاركة

ســعـود 16-10-2012 03:03 PM

ابقى الغريب اللي من الحب محروم

وتبقين شوق المغترب يم ربعه

وابقى بدونك حاكما طاح مهزوم

وتبقين مثل الجوهرة دون لمعه


الله يعطيك العافيه يابو محمد على نقل القصيده .
وصح السان شاعرها ,

أبوزياد العويمري 16-10-2012 03:44 PM

صح لسان شاعرها

ومشكور ياأبومحمد

ضيف الله الديري 16-10-2012 04:36 PM

صح السان الشاعر وتسلم يمين الناقل

كل الشكر لك اخوي فلاج المعلث
على هذه الذائقه والاختيار الجميل

تقبل مروري هنا
ضيف الله الديري


الساعة الآن 07:04 PM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team