هذه القصيده بالجاه والوجاه وهو أغلى شئ يملكه الإنسان بالوجود واللي ما يعرف الجاه ما يثمنه

الجــاه للـــي بفهمون الجواهــــي= الحق واحد والسموحــــــــــه مساواه
ياكثر ما تحت السواهي دواهــــي= دايم مشاورة النساء تكفح الجــــــــاه
يا الله من دنيا النكــوب النجاهـي= الرجل له قيمه وشيمه ومنحـــــــــــاه
مثل امس طيره بالملايل شواهي= تبي تجي تبي تجي مثل ما جـــــــــاه
والله ما دور لازمي من وراهــــي= ما قل دل وزبدة العلم معنـــــــــــــــاه
مالـــــي رفيقن لردى والمضاهي = سجلنا بعد المفاوض طوينـــــــــــــاه
خلو مسيل العــــــام يلحق ثراهي =مثل العطــــــــــاشا اللــــــــي على جال مضماه
كبر المحيط الأطلســـي بستواهي= من كبرها حطت علـــى الكبد عرقـــــــــــــــــــاه
وألا علـــــــى ماقيل ماه بسماهي=واللـــــي نسى خله على طول ينساه
يسعد مساي ويسعد الله مساهــي= كفوف طيري بالجزايــــــــــل محناه
يعيش رجلن راس ماله عصاهي = معناي واضح والقصيده مغنــــــــاه
المال يفنــى والقناعه غناهـــــــي = والطيب للي تفعل الطيـــــــب يمناه
اتمنى أن تنال على أعجابكم تقبلوا تحياتي / شلاح صالح القصيري الحربي

الشاعر شلاح صالح القصيري صح لسانك والله يعطيك العافيه
شاعر جزل وأتمنى لك التوفيق وتقبل
تحياتي....

صح لسانك وعتلا شانك
شاعر جزل الله يعطيك العافيه