قصيدة بمناسبة زواج الأخ العزيز/فيصل بن فلاج القصيري

حان الوعد ياهجوسي والهمام الهمام = مالي عذر عن بني عمي هل الأوله
باقف لهم وقفة التقدير والإحترام = واجب عليه وماجوبي ماني مهمله
بصوغ قاف الشعر وأنقى جزيل الكلام = والشعر ماهو بجاهلني وأنا ماجهله
في حفل فيصل ولد عمي عداه الملام = الحفل بإسمه وحنا كلبونا هله
حضرت أرحب بإسم نسل الرجال الكرام = ومحصل النعم بإفعاله ويستاهله
يامرحبا بإسم أبومحمد رفيع المقام = ترحيبةٍ وافية بالطيب ومكمله
بضيوف حفله هل الميقاف والإلتزام = بحضورهم شرفوه وشرفوا محفله
هذي عوايد رجال الطيب في كل عام = قول وفعل بإلتزام ووقفة مجمله
فأهلاً هلا عد ما لاحت بروق الغمام = ياأهل النقا والوفاء والطيب والمرجله
على الكرامة ومنهاج الرجال الحشام = الضيف بالطيب والترحيب نستقبله
والعود الأزرق على سلم العرب له نظام = وإنظامه عيال عمي كاسبين أجمله
والبن في سوقته يعطونه الإهتمام =ربعٍ لهم في سنام الطايلة منزله
وأبارك لفيصل حزامي ونعم الحزام = عسى لياليه دايم بالسعد مقبله
وأزكا صلاتي وتسليمي بمسك الختام = على رسول الله اللي بالهدى مرسله

=الشاعر/أحمد بن هايل القصيري

الموضوع الأصلي: قصيدة بمناسبة زواج الأخ/فيصل فلاج القصيري || الكاتب: أحمد هايل || المصدر: منتديات القصيرين من حرب

المصدر: منتديات القصيرين من حرب

صح لسانك يابوهايل والله يعطيك العافيه قصيده كافيه ووافيه
ولاهي غريبه عليك بيض الله وجهك
شكراً لك وتقبل
تحياتي