قصيده للوالد رحمه الله عندما كان في سلاح الحدود

ونيت ونه بالضماير تروعي=ونيتها والعين طاير عزاها
البارحة يوم الخلايق هجوعي=واعيني اللي ساهره من عناها
قامت تهيد في غزير الدموعي=في ليلة الجمعه هجدها بلاها
اللي مضاء للعين ماهي جزوعي=وعقب إستخفت مالقينا دواها
يطري عليها سجةٍ للربوعي=ومجالسٍ يدله بها من لفاها
حدتني الدنيا على عظم كوعي=ماتنغصب ياكود نتبع رضاها
والرجل كلت من كثير اللكوعي=وأتلى زمانه بايداتٍ حذاها
من كثر ماترقى طويل الفروعي=الله لايرزق خشيمٍ بناها
لو إنتشبح مانشوف الرتوعي=صيحة خلاء ماعندنا من وطاها
ليا أدبحت دنياك شفت الهزوعي=لو أنت غالي شفت حين جفاها
سجنت نفس والسبايب متوعي=رزقن زهيد وغربتي ماسواها
ياراكب اللي بالدركسون طوعي=عند السفر كل التوانك ملاها
هافن لبعيدات الفيافي قطوعي=يقرب للعين الحزينه مناها
إليا انحدر يشداء طخاخ المزوعي=أسرع من اللي وجهت مع سماها
من شيشة القصمان زدله متوعي=وإرفع كبوته لين يبرد لضاها
وليا تفلح خل حسه يزوعي=وإنشد بنوده لينها من قساها
ومع الفويلق خل نوره يشوعي=صاره وإصابعها تمثنى قراها
تلقى على كنب القراين نجوعي=ناسٍ ترحب في صديقٍ نصاها
على سرين للمدي مهزوعي=عبرة سبيل ولايبيعون ماها
والناس تدري والمخاليق توعي=واللي براسه شيمةٍ مارماها
النفس تحب الزود ماهي قنوعي=وكلن يموت وحاجته ماقضاها
وصلاة ربي عد وبل الرجوعي=وإعداد همال المطر من طخاها
على محمد النبي الشفوعي=فضايله بالدين كلن قراها

الموضوع الأصلي: سجنت نفسي والسبايب متوعي || الكاتب: محمد سنيد || المصدر: منتديات القصيرين من حرب

المصدر: منتديات القصيرين من حرب

المشاركة الأصلية كتبت بواسطة المسافر

المسافر جزاك الله خير وأشكرك على مرورك الرائع
وتقبل
تحياتي

المشاركة الأصلية كتبت بواسطة منصور القصيري

ابوياسر جزاك الله خير وأشكرك على مرورك الرائع
وتقبل
تحياتي

المشاركة الأصلية كتبت بواسطة مخاوي الليل

مخاوي الليل جزاك الله خير وأشكرك على مرورك الرائع
وتقبل
تحياتي

المشاركة الأصلية كتبت بواسطة فلاج المعلث

ابومحمد جزاك الله خير وأشكرك على مرورك الرائع
وبيض الله وجهك وتقبل
تحياتي

المشاركة الأصلية كتبت بواسطة أحمد هايل

ابوهايل ووجهك أبيض وجزاك الله خير وأشكرك على مرورك الرائع
شكراً لك وتقبل
تحياتي