بسم الله الرحمن الرحيم


هذه القصيده بالخيل الأصــــايل العربية والخــــيل عزن للرجــــــــال وهيبـــــه ............



الخيل بالميدان تمشي على سوق الهبوب =جرد السبايا ما تهون فرقها بثمانها
ياما أوردن ورد العطاشا على صعب الدروب =هاذي بنات الريح عزه راجحن ميزانها
مردهن راس المشوك ولا الملح الشبوب =أليا ثنن ردن على روس النظا حيرانها
صم الرمك الله حماها من الذهايب والعيوب =لنجمت مثل الحرار اللي وطت ريضانها
تشهد لهن بيبان مكه مع محاتيف الدروب =أدرو مرابيط الجواد وسيفها وأعنانها
كلن تعزوى عزوته وقت الحرايب والنشوب =مثل السفينه لأبحرت قادها ربانها
شلفا ورمح وطاستين والعمر فاني ومحسوب =والطيب والنخوات شمطان اللحى عنوانها
حربي وربعي حرب ياطيب القبايل والحروب =عز القبايل والقبايل عزها بأوطانها
ما إنذم طالقين اليماني كلن عن حقوقه ينوب =ما هزهم سوق الحرايب لو قبس ضيانها
رجلن بلا ربعه عن الحق مغلوب =يمنى بلا يسرى تعض من الغبون أسنانها
والعلم عند الله بديع الخلق علام الغيوب =محي الديار الممحلات الميبسات أغصانها
نملك درابيل النظر ونسوقها مع كل صوب =عيبن على اللي بندقه ما حفظ نيشانها
والعلم إليا منه صدر عن الرجل محسوب =من تابع الشذان وألا يطفحه شتانها
والكذب والبهتان ما فاد المنافق والكذوب =من صادقك في مصلحه يبغض على فقدانها
ما هزنا هرج المنافق ولا سود القلوب =اللي رضي الخثلان نفسه رضت خثلانها
يا طول مسافات النهار من الشروق إليا الغروب =نملك دوا سم الكبود اللي طفح طغيانها
يبدون عيب الناس ويكنون الشوايب والعيوب =تتبع مهاذيب الحصان ويجحدون أحسانها
والطيب له ثوبين وأختار من الثوبين ثوب =جمله مفيده والسعه يا كثر صدقانها
والصمت لرجال عزه والهذر ما فاد الحلق الطنوب =وأكبر مصيبه لرجال إليا طفت نيرانها
ياما فقدنا ما فقدنا من شمال ومن جنوب =سود الليالي لادبحت غطت على كثبانها


الشـــــــــــاعر/شـــــــلاح بن صــــــالح الحربـــي

الموضوع الأصلي: بنات الريـــــح || الكاتب: شلاح صالح بن فازع || المصدر: منتديات القصيرين من حرب

المصدر: منتديات القصيرين من حرب

يـا طـول مسافـات النهـار مـن الشـروق إليـا الـغـروب = نـــمـــلــــك دوا ســــــــــم الـــكــــبــــود الـــــلــــــي طـــــفــــــح طــغــيــانــهـــا
وتقبل مروري

المشاركة الأصلية كتبت بواسطة ابوفهد المزيني ابوصالح صح لسانك على القصيدة الجزله والرائعه الله يعطيك العافيه تحياتي وتقديري لشخصك الكريم