هذه القصيده موجه للشاعر/ مساعد بن نافع الجليدي الحربي

يا راكب اللي لا مشى يقطع الفج =من مصنعه مابه عذاريب لي له
جيبن جديد ولا وطى ديرة العج =على العلامه ثانيات الأهله
مثل العديم اللي ضرب فجت اللج= أوما جناحه والعضود أرتكله
يشدي قطامين على ماكره سج =الجو هادي والرياح ألعب له
يلفي راع البله عن الطيب ما وج =صدر القصيد وما طوته السجله
مساعد النافع عن الطيب ما ضج =الطيب دله والجليدي يدله
راع الكرم ناره مع الليل تسرج =منصى الرجال ومجلسه ما تمله
درة ذهب يملك ثمن قبل ينسج =وكل البنوك السايده يصرف له
فعل العرب لسلاف الأعراب يهرج =الطيب عزه والجزايل أجبله
من فعلهم قب السبايا توهج =وكلن تعزوى عزوته من هلله
أعزهم عزة هلا البيت للحج =بيض الوجيه مبيضين السجله
وأن كان براق السحابه تلعج =وقامت هدبها بالفيافي تفله
من وقعها جرد الصحارى تفجج =وقامت قراديس الهوا تحتفله
شعر النبط ما به محاتيف وأعوج =والسيف بمتون المعاني نسله
مجهزين سيوفنا للمعالج =أضرب بحد السيف وأجلس بضله
جانا زمانن يا رياجيل محرج =أنا أشهدن شعر النبط ينزعله
شعر النبط من بعض الأشخاص مرتج =يا هيلتي يا فكرتي وش حصله
يا شقرينن للقصيده برامج =شعر الحداثه ضيع الطرق كله
اللي على قمت عرب سات عرج =شاعر حداثه والمذيع استغله
مثل الطعام اللي بلا ملح سامج =شاهد عيان اسموعنا يسمعله
كلن جواده بالغلط سجها سج =جملة رسايل والبريد يحمله
أليا أبحرن عقد القوافي بها دج =ما ظنتي بكحوفهن ياصل له
لو تنشده وقت اللقاء ما تخارج =الطيب عزه والهزايل مذله
وتم الجواب ومفرد الشعر دارج =وضحت عطف أحروفها بالمجله
صلو على اللي يا أبيض الوجه باهج= على رسولن حطم الشرك كله

=الشـــــــــــاعر/ شـــــــــلاح بن صالح القصيري الحربي

ورد الشاعرالكبير/ مساعد بن نافع الجليدي الحربي على هذه القصيده وفى وكفى أبو ماجد

البارحه جفني عن النوم لجلج =من هاجسن بالقلب ثابت محله
جاني كتابن دونه الباب مزلج =راعيه يمي بالخفى منعت له
بالأكسجين انقص قفله وينفج =ناخذ مضامينه وطيه نفله
حصلت قافه بالجواهر متوج =يا مرحبا من ضامرن مخلصله
ما ناض براق الحيا وعد مالج =رعاد وسمي والحيا مردفله
شلاح مرسلي بيوته على أج= وأنا بعد في مثلهن جاهز له
نبي القلم من سايل الحبر يزعج =يقطر رعافه والورق خاضعله
مردود قافن به مداخل ومخرج =والشك زايل ما تنوله اشكله
قم يا نديبي واحمل الخط وانهج= من فوق عرماس النضى شيمة له
متروسة الفخذين وعضودها فج =وصفن قديم ومثلنا جايز له
تلفي على اللي دوم بابه مبرهج =والهيل في صفر المباهر يزله
سلم عليه وخبره لا تبهلج =بالله قله يا فتى الجود قله
شعر النبط ما هو سواليف وحجج =من لا عرف معناه خله لعله
جعله مهف مقيط راسه تدحرج =افلس من النادر وفارق هل له
منته مكلف بالعماوي والاعرج =ولنته وكيل آدم على كل مله
دام العقيده سالمه لا تهرج =عن حال قومن بالخطا مسفهله
لك عن قليل العرف منحا ومنهج =ولا تنزعج من واحدن ضاع دله
والا الحداثه وضعها ما يعالج =حاجه دخيله وضعها فيه خله
مثل الغشيم اللي مع البر دوج =وسط الغضا لكن وقوده بجله
يا الله يالمعبود من وضعها نج =واغفر كثير الذنب دقه وجله
والسيف سيف الله وغيره معوج =والظل ظل الله ولا غير ظله
والناس لو حطو عمارات وبرج =كم واحدن متبدله ضحكتن له
حتى الصغير اللي على الديد يلهج= وراه بقعا والدهر مضحي له
نصبر على ميل الدهر لين تفرج =والواحد المعبود نسجد رض له
لتهمك الطرمان وهروج الاصنج =اكحل عيون اهل القلوب المغله
تم الجواب اللي معانيه ترهج =غب البحور بدربها مستقله

=الشــــــــــاعر/ مساعد بن نافع الجليدي الحربي

الموضوع الأصلي: مساجله بين الشاعرين شلاح بن صالح القصيري الحربي ومساعد بن نافع الجليدي الحربي || الكاتب: شلاح صالح بن فازع || المصدر: منتديات القصيرين من حرب

المصدر: منتديات القصيرين من حرب