السلام عليكم ورحمة الله وبركاته
الأخ العزيز متعب الأفكار طلب مني قصيده وأنا خابر إن قلبه خضر. وإليكم هالبيات

أنا بلايه ظلمة الليل ياسعود=إليا أقبلت يزداد فيني عذابي
تقول لي معها مواثيق ووعود=علاقةٍ من جورها الراس شابي
أسهر وأجر الصوت والعالم رقود=كني جريحٍ زاد فيه الصوابي
كسرين في ساقه وبالصدر عبرود=وفاقد ثلاثه من اخوانه شبابي
بأرضٍ خلاء مافوقها حي موجود=ولايسمع ألا صوت شهب الذيابي
في معتلج قحص الرمك طاح مفقود=والقوم قفوا بالدبش والزهابي
سبة وليفن صد من غير مقصود=حكم عليه الوقت حكم الغيابي
مافي يده حيله على البعد محدود=حده زمانه بعد رمحه سطابي
لو صدته من خاطره لين العود=إن كان يمكن خاطري منه طابي
أقفى وهو ضايق ومجبر وملهود=وأنا بعد فرقاه همي لجابي
ابو جديلٍ فوق الأمتان مرجود=وعنق المها الي فالعسيرات رابي
وخده كما البراق وعيونه السود=إليا سلهمن قلبي تمزع وذابي
جيته من أقصايه لو الحبل معقود= ماعاد أميز بالخطاء والصوابي
واليوم ودعته ولا يمكن يعود=وداع من هلو عليه الترابي

الموضوع الأصلي: وداع من هلو عليه الترابي || الكاتب: محمد سنيد || المصدر: منتديات القصيرين من حرب

المصدر: منتديات القصيرين من حرب

إلــــيــــا أقـــبـــلـــت يـــــــــزداد فـــيـــنـــي عــــذابـــــي

عـــلاقـــةٍ مــــــن جـــورهـــا الـــــــراس شـــابــــي

كـــــنــــــي جـــــريــــــحٍ زاد فـــــيــــــه الــــصــــوابــــي

المشاركة الأصلية كتبت بواسطة متعب الافكار
صح لسانك يا ابو سنيد واشكرك على تلبية الطلب بهاذي القصيدة الجزله وانت يا ابو سنيد شاعر ولك التقدير والاحترام وفعلا انك شاعر متمكن ومبدع ومتميز والقصيدة جزلة وشدة انتباهي هذه الابيات

صح بدنك يابومانع والله يعافيك على مرورك والإبداع والتميز هوتواجدكم
وإشاداتكم وإطرائكم الجميل اللذي أنار متصفحي
شكراً لك وتقبل
تحياتي...

المشاركة الأصلية كتبت بواسطة ناصر ابن عويمر

صح بدنك يابوفيصل والله يعافيك على مرورك المشرف
شكراً لك وتقبل
تحياتي..

المشاركة الأصلية كتبت بواسطة فايزموسى البشري
وعليكم السلام ورحمة اللله وبركاته

الشاعر القدير محمد سنيد القصيري
اولا ًٍ الله يجزى متعب الافكار خير الي طلب منك القصيدة
ثانيا ً صح لسانك على هالقصيدة الجزلة المليئة بالشاعريه وهذه الغزليه الجميله تشكر عليها يابو سنيد

هلابك يابوريان وصح بدنك والله يعافيك على مرورك وتواجدك المشرف
وإشادتك وإطرائك الجميل وشهادة أعتز بها وبيض الله وجهك وأتشرف بمتابعتك
وبعد كلمة الجيل السابق القصيده الجايه إن شاء الله
نصيحه هههههههههههههههههههههههههه
شكراً لك وتقبل
تحياتي...

المشاركة الأصلية كتبت بواسطة منصور القصيري

صح بدنك يابوياسر والله يعافيك على مرورك الجميل
شكراً لك وتقبل
تحياتي..

المشاركة الأصلية كتبت بواسطة شلاح صالح بن فازع

صح بدنك يابوصالح ووجهك أبيض والله يعافيك على مرورك المشرف
وعلى إطرائك الجميل وتعليقك مقبول وشهادة أعتزبها
شكراً لك وتقبل
تحياتي..

المشاركة الأصلية كتبت بواسطة نجم الجدي

صح بدنك يانجم الجدي ووجهك أبيض والله يعافيك على مرورك المشرف
شكراً لك وتقبل
تحياتي..

المشاركة الأصلية كتبت بواسطة ابوفهد المزيني

صح بدنك يابوفهد ووجهك أبيض والله يعافيك على مرورك المشرف
الذي زاد متصفحي اشراقاً وسعدت بمتابعتك
شكراً لك وتقبل
تحياتي..

المشاركة الأصلية كتبت بواسطة المسافر

صح بدنك يالمسافر والله يعافيك على مرورك المشرف
شكراً لك وتقبل
تحياتي..