=بسم الله الرحمن الرحيم


=السلام عليكم ورحمة الله وبركاته ...


اليكم قصيدة الشاعر /حمود محمد القصيري بالشيخ ناصر بن نفال القصيري



كريم يابرق على حايل يلوح =نوه حقاق ويرهب القلب لالاح


تسرج مقاديمه على نايف الصوح =على جبل سلمى من الغرب لاضاح


خير ضفى مبدار والوسم منطوح =وتلبست سلمى من الودق بوشاح


وجتنا الصور فيها وناسات وفروح =والناس عاشت في زغاريد وافراح


جعل المطر يسقى بلد كل طحطوح =هل الفعول اللي وكيدات وصحاح


واهل الرباع اللى بها الطيب مشروح =واهل الدلال اللي بها الهيل فواح


ومجالس فيها سواليف ومزوح =يدخل غليق البال ويروح مرتاح


في كل دار اوجار والكبش مذبوح =والضيف ضيف الدار والبال منساح


هاك الجبل من فجر الايام له شوح =ويطرب لعادات الكرم كل شواح


وانا ليا عميت ابختص ممدوح =ممدوح فعل وللجزيلات مياح


ناصر ولد نفال بالفعل زحزوح =حرن لمشراف الطويلات طماح


نعم بابو نايف وياخذ بها رجوح =على صعاصيع على المجد شفاح


راعي هلا بالضيف والباب مفتوح =ومجالسن يشرح بها البال وفساح


بالوالمة مبدار والملقم يفوح =والعود الازرق في سماء الحي فضاح


ومع سوقة الفنجال و الكبش مسدوح =مربح اللي بالجلب عد الارباح


وبالمنطق الطيب حريص وله نوح =حرن لو انه طير ابقول شلاح


سحب الكرم عنده ثقيلات والقوح =هش وبشوش وفيه غيره ولماح


عز الله ان البيت ماهوب مسنوح=باسم القبيله للصعيبات نطاح


صوته طنا وسط الطنايا وله بوح =وسط الطنايا شارع البيت ماطاح


ذخرن لنا وان صار بالوقت لافوح =وكل وقف بالدور ماقال ابنزاح


وماغرد القمري على لين الدوح =صلوا على المختار مافج الاصباح



=الشاعر / حمود بن محمد بن ثمر القصيري

الموضوع الأصلي: قصيدة الشاعر/حمود محمد القصيري بالشيخ ناصر بن نفال القصيري || الكاتب: ابو تميم || المصدر: منتديات القصيرين من حرب

المصدر: منتديات القصيرين من حرب