انـقــل لـكــم هـــذه القـصـيـدة لـشـاعـر / محمد ردن المويعزي
بمناسبة تعيين الشيخ / ممدوح بن نايف الديري رئيساً لمركز قطن
يالله يامنزل بلطفك على نوح =ويامكرم محمد بوحي الرساله
اجعلني اليا جيت في ماقف ابوح =ارفع مقامي عن مقام الهزاله
ياشعري الليله ترى منت مسموح =أغرف من بحور المعاني جزاله
وقلد بها ربعاً من الدم والروح =ترخص بحزات اللزوم ومجاله
ناساً بنت بالمرجله عدة صروح =طيب ووفاء مع صيت عز وشكاله
الأد مقصر كاسين مجدهم ضوح =وأسترسل التاريخ فيهم وقاله
يوم الليالي بين رابح ومربوح =انتم هل الميقاف وانتم رجاله
فطرة وفاء مع مجد وافي ومشروح =كن الولي منزل عليكم كماله
رجالكم بالطيب ساطي وطحطوح =ومافيه عز الا كسبه ورقاله
تكبروا واستغفر الله وانا ابوح =كن الكبر فيكم حري بحلاله
يفداكم اللي طيبه شوي ويروح =واللي بشرع الطيب يبقى حثاله
وانا وقفت ووقفتي دون مصلوح =من باب مردود الوفاء والجماله
والشاعر اللي ماذكر طيب ممدوح =من طيب أبوه وطيب جده وخاله
يسمع وهو مرخي ومصغي ومنصوح =يشطب على شعره ويلقى بداله
شيخاً لبس بالمرجله عدة وشوح =من قبل وشح المشيخه بالسلاله
واخذوا تحياتي وانا ولد مسروح =من طيبكم يفخر ويرفع عقاله
وختامها واعداد ماغرد الدوح =صلوا على محمد وصحبه وأله

الموضوع الأصلي: قصيدة الشاعر محمد ردن المويعزي || الكاتب: أحمد هايل || المصدر: منتديات القصيرين من حرب

المصدر: منتديات القصيرين من حرب