=بسم الله الرحمن الرحيم

=قصيدة الشاعر / جعيثن بن عياده القبع الحربي
بمناسبة حفل قبيلة القصيرين المقام بمناسبة تعيين الشيخ / ممدوح بن نايف بن عبيد الديري رئيس لمركز قطن وفقه الله
حين راء فخامة الحفل وطيب المقام وحفاوة الترحيب من أهل الحفل



الليلة الليلة عسى الامر خيره = بطول ليال العام بتنا سهارا
عشرين ديسمبر طويله قصيره = قصيرة من شان حفل الديارا
لفوله الزوار من كل ديره = توقير للي يستحق الوقارا
يطرب له اللي شاهده في نظيره = صفر المباهر والمباخر تبارا
والشعر قايم والمعاني مثيره = نسمع من الحضار صح وقرارا
والمائدة مد النظر مستديره = فيها سمان الضان هي والبكارا
اقصيرينٍ مقدرتهم كبيره = تودع كثير الناس منهم يغارا
متوارثين المجد حاضر وسيره = فقيرهم بالجود ماينتجارا
عشيرة ياطيبها من عشيره = رجالهم عند اللقى مايتوارا
وكل القبايل بالمدايح جديره = دايم مسارات القبايل تبارا
قلته وأنا بالوصف عندي بصيره = أصور اللي صار من حيث صارا
قبعي وربعي من مزين الشهيره = دفانة الركبة نهار المثارا
رجالهم مادام عنده ذخيره = صبار ما يطري عليه أنكسارا
أيام فتح أم القري و تحريره = ساروا مع المختار من حيث سارا
وخاضوا بعد بعده معارك كثيره = ضد الروافض واليهود ونصارا
بقيادة النعمان وأبطال غيره = باجة سراياهم كثير الديارا
قلت الكلام اللي روالي خبيره = مافيه لا فريه ولا هو اماره
ومن حين صف الوضع صقر الجزيره = راح الدمار وحان وقت العمارا
وصلوا على رسول ربي نذيره = للجاهلين الضايعين الحيارا

الموضوع الأصلي: قصيدة الشاعر / جعيثن بن عياده القبع الحربي بمناسبة حفل تعيين الشيخ /ممدوح نايف الديري || الكاتب: فهد الديري || المصدر: منتديات القصيرين من حرب

المصدر: منتديات القصيرين من حرب