=السلام عليكم ورحمة الله وبركاته
=واسعد جميع اوقاتكم بكل خير
واقدم لكم هذه الابيات المتواضعه وهي بالاخ الفاضل والقدير المشرف على المنتدى الاسلامي ابو فهد المزيني
والحقيقه هي ما تفي بقدر ابو فهد ولا توازي ما قدمه ويقدمه من مشاركات قيمه سوى بالمنتدى الاسلامي او بغيره
وابو فهد كفو بكل العلوم الطيبه ومقدر لدى الجميع قبل مايكون بالمنتدى وتكون له مشاركات فيه
ولكن هذا ما استطعت ان اقدمه ويعذرني على القصور

يا ابو فهد يامعرب الجد والساس =يا طيب الاخلاق يا معدن الطيب
انته لدرب المجد والعلم نبراس =من شبتك واليوم بادي بك الشيب
طاريك نفخر به ونرفع به الراس=ولا الردي ما فاد نفسه ولا يثيب
ذكرك مشرف ذاع صيته مع الناس =وعلم الحياء واللي بهم خير ما يغيب
يا جعل يفدونك قليلين الاحساس=اللي هدفهم بس حش العراقيب
ويفداك منهو بالسواليف هلاس =وعند اللوازم ما حسب كلمة العيب
عساك ماتشكي من الضيم والباس=والله يحقق لك جميع المطاليب
ولك التحيه عد ماهب نسناس =ليا داعب الغربي شذا الورد والطيب

الموضوع الأصلي: يا ابو فهد يا معرب الجد و الساس || الكاتب: أبوزياد العويمري || المصدر: منتديات القصيرين من حرب

المصدر: منتديات القصيرين من حرب