الرجل من معدنه والنجم من طلته
اقدم لكم هذه القصيدة ارجو ان تحوز على رضا الجميع

من لأحسب لليالــي دقــهـــا وجـــلها= أبطا على حالته وبطــــا علـــى علـته

بعض السوالف ليا من هرولت خلها =والرجل من معدنه والنجم مـــن طلته

كم واحـداًً يعقـــد الاعقـــاد ويحلـــها =وكــــم واحــــداً لا عقدها عقدته حلته

واللي يعرف السيوف الصقيله سلها =والرجل من ما قفه والسيف مــن سلته

ولا كل شجرة تظل الناس في ظـلهـا =بعض الشجر لو بها عصفور ما ظلته

وما كل دولة لياء فـــكـــرت تحتـلهـا =بعض الدول خصمها تاطىء على قلته

حتى يعاف الـــمرجـــل كــلها كــلهــا =ويندم على غلطته ويرجع علــى حـلته

ون خمتك ضيقتً تـلّ القــدم تلهــــا =وبشر بشرح الصدر يا ذئب مـــن تلـته

لكن رجلك على ممشاك وفـطـلــهــا =كم واحـــــد زلــت الإقــــدام واحتلــتـــه

وكلن مزاجــه عــــلى ما راد ويفلهـا= احــد على كأسته واحداً علــــى دلــتـه

واللي بهرجه يغث الناس ويعلهـــا= لو قال أنا حر بعض الناس مـــا خلــتــه

وصلاة ربك ليا جاء وقتها صـلهــــا =تراء ابن أدم يبي يحاسب علــى زلـتــه

الموضوع الأصلي: الرجل من معدنه والنجم من طلته || الكاتب: مسلم سرور القصيري || المصدر: منتديات القصيرين من حرب

المصدر: منتديات القصيرين من حرب