منتديات القصيرين من حرب

منتديات القصيرين من حرب (http://www.alqesuirien.com/vb/)
-   الالغاز المحلولة (http://www.alqesuirien.com/vb/f60/)
-   -   تعديل على لغز سابق (http://www.alqesuirien.com/vb/t5109.html)

أبوزياد العويمري 27-08-2014 06:22 PM

تعديل على لغز سابق
 
السﻻم عليكم ورحمة الله وبركاته
والله يسعد كل اوقاتكم بالخير
والعافيه والمسرات جميع


واليوم عندي لغز بسيط ومتواضع
جدا عسى يحوز على رضاكم واعجابكم


ويش رجل كان معروف في بعض اﻻمور =وتعتبر نقطة تحول اذا عمه جفاه
وهو تراء ماله دخل صاحبه له كل دور =وحسب ماهو متبع يمكن يحقق مناه
يتحقق كان ماوافقت لحظة غرور =او معزب صاحبه بالزعل واصل مداه
وودنا بحل يوضح لما بين السطور =لجل منهو يجهله يعرف اللي من وراه

متعب الافكار 29-08-2014 11:44 AM

صح لسانك ياأبو زياد على هاللغز الجميل وعندي رمعة

حله السكر عسى الله يرفعه والعلم نور =ويبتلش راعيه إن كان مانظم دواه
والأوادم يعرفونه والمرض ضيقة صدور =ومن يصيبه عسى الله يرفع مبتلاه
والزعل يخلي الدم بالصاحي يفور=يرتفع دمه لين الدم ياصل منتهاه
مع تحيات اخوك متعب الافكار .

شلاح صالح بن فازع 29-08-2014 01:48 PM

الشاعر : ابو زياد العويمري

صح لسانك على هذا اللغز الجزل وعادتك الجزاله و ارفق علينا يابو زياد شوي الله يعافيك ويطول عمرك ترا اللغز صعب جداً وعندي رمعه لعل وعسى ان تصيب الحل

ورتها يابن عويمر على الفرات والا على جال البحور =خل الكبــود المعطشا تـــارد على جــم الفـــراه
الناس تحكمها مباديها على نفس التـعامـــل والشــعور =نعم مبادينا ومباديهم تحكمنا على شــت اللـــغاه
ياكم جــــثــه هـــامــده تــحــت النـصــايــب بالقــبــور =وياكم شغموم توفى وانتهى وسدوا راسه حصاه
الصبر مفتاح الفرج في بـــعـــض التـــعـــامل والامور =ومن لا صبر في احتكام المصيبه ما يحقق مستواه


واعتقد ان الحل هو الصبر مفتاح الفرج
تحياتي لك يابو زياد ...
أخوك / شلاح بن فازع

أبوزياد العويمري 29-08-2014 02:16 PM

السﻻم عليكم ورحمة الله وبركاته
والله يسعد اوقات الجميع بالخير والعافيه

واشكر اﻻخوان الشعار متعب اﻻفكار وشﻻح صالح
على تفاعلهم ومشاركاتهم الجميله والطيبه

واقول لهم


الكل ماقصر واقول مشكور =لكن حل اللغز باقي مالقاه

أبوزياد العويمري 03-09-2014 05:38 PM

استبدال اللغز السابق بجديد
 
السﻻم عليكم ورحمة الله وبركاته
واسعد الله مساكم وجميع اوقاتكم بكل خير

والصراحه انا طرحت هذا اللغز السابق واحس ان تركيبته
صار فيها بعض الغموض او مايشتت الفكر عندماتفكر
في حله وحبيت ان استبدل تركيبة ابياته ببيات جديده
عسى ان تكون واضحه وعسى ان اكون قد وفقت بها

وايليكم ابياته الجديده واللغز هو نفسه السابق


ياويش رجل عند رجل وسيئله =ويمكن يحقق له مطاليب وحقوق
الرجل اﻻول حسب سلم القبيله=والرجل اﻵخر سايق الوجه مسيوق
يمكن تحقق له اعلوم فضيله =ويمكن يقوم وﻻ كسب خير ووفوق
هذا بزمان اول فنى كل جيله =وإن كانهو موجود للناس مايروق

سيف القصيري 06-09-2014 03:50 AM

السلام عليكم ورحمة الله وبركاته


مرمعنا الفنجال ثابت مايدور=اما اشربه راعيه ولا انه كفاه
والجاه للي يقدرونه مايبور=والي يعرف الجاه لناصي عطاه

أبوزياد العويمري 06-09-2014 11:58 AM

وعليكم السﻻم ورحمة الله وبركاته


ياسيف جبت الحل ياواف الشبور=وﻻ خاب ظن اللي هقابك ﻻهقاه
صحيح هذا الحل يانسل الصقور=يالشاعر اللي جعل يفدونه اعداه

ابوفهد المزيني 06-09-2014 04:44 PM

صح السانك يابوزياد على اللغز الجزل طول الله عمرك


صح السانك ياسيف القصيري على الرمعه الموفقه

فلاج المعلث 06-09-2014 09:15 PM

السلام عليكم رحمة الله وبركاته
اسعد الله اوقاتكم جميعا وبيض الله وجهك يا ابو زياد على طرح ها اللغز الجيد و يسلم الشاعر سيف القصيري على الحل
وعند تصفحي لمنتدى الالغاز وجدت الغاز جيدة ومحلوله في ابيات شعر من الشعراء واقول للجميع لقد اضئتم القسم ورصعتموه في جواهر الادب بصراحة اعجبتني طروحاتكم في السبك و الحبك للغز او في الحل
شكرا شكرا للجميع ولكم اوفر التحايا واعذبها

سيف القصيري 07-09-2014 02:30 AM

عليكم السلام ورحمة الله وبركاته


الله يسلمكم على مد العصور=ياربعنا كلن رفيعن مستواه

واجمل تحينا على كل الحضور =الي كتب بالمنتدأ والي قراه

منصور القصيري 09-09-2014 09:17 AM

صح السنتكم والله يعطيكم العافية
تحياتي وتقديري للجميع

شلاح صالح بن فازع 10-09-2014 11:25 PM

اشكر الشاعر ابو زياد العويمري على هذا اللغز الجزل والمعنى الثمين
والشكر موصول لشاعر سيف القصيري على الرمعه الموفقه والحل الصحيح
ابو عبد العزيز لا تحرمنا من جديدك
تحياتي وتقديري للجميع ...
أخوكم / شلاح بن فازع


الساعة الآن 03:39 AM.

Powered by vBulletin® Version 3.8.7
Copyright ©2000 - 2019, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team