رد الشاعر عبدالله يوسف المزيني على قصيدة الشاعر صلاح عواض المزيني

جتني بيوتٍ كلها فن وابداع =صوغت ذهب وحروفها قرمزيه
حضر ابو بندر لها طرس ويراع=وخلىّ لها في طرسها قابليه
خضّع لها راس القلم بين الأصباع=أمكمله وارسومها نرجسيه
اوفاء لها ووفاء بها وافي الباع =وانا تبعت احروفها الابجديه
صلاح اخذله مع هاك الوضع مصراع=ذم النميمه والسلوب الرديه
اللي تروج هرجتٍ مالها داع=عباد غيبه والسنتهم بذيه
ناس النميمه ناس للزيف صناع=على كذا لها سلوب وسجيه
اليا تصاغت وارتكت فوق الأكواع =خطاتهم يغتاب اخوه وخويه
نهاه رب الكون عنها ولا طاع=كنه عن الأسلام بالجاهليه
ناسٍ لهم بعروض الاجواد مرباع =تاكل لحوم الناس والناس حيه
ولها من الأحيا للأموات مرجاع=خشيرت الديدان بلحوم نيه
وعن مابها تلبس لها خمار وقناع =فيهم وفيهم دردغانه وعيه
عندي وعندك علم بشدوقها وساع =وسم الكبود الهرج من شدق حيه
والسمع مايصغاء وينصت وينطاع=ذمّت رجال العرف ماهي نصيه
ما حد رهين الهرج مذموم الأطباع=انفوسنا نسمي بها مقدريه
هاذا ولا نضنه حصد كل زراع =صلف الرياح العاتيه موسميه
وحيٍ تنصاء كافل الرزق ماجاع=العز منهج للنفوس الأبيه
هاضت خوافي شارد الفكر ونصاع =وجاوبت قاف مجاوب الراعبيه
بذلت مجهودي على ارضاه طماع =اللي منصيني بيوته هديه
وختامها شيح بختري ونعناع =من المزيني للمزيني تحيه