طبـيـت بالـسـوق يا ســالم مـثل غـيـري = حتى عرفت السلع من كل الانواعي
ابـيـع واشري وصرفي مـن دنانــيـري = واطاوع السوق كان السوق ما طاعي
شعر النبط له رمــــوز وله جماهيري = يعـــشــــق الياجا بـفـن وقـــن وابداعي
اللي يصور جمال الـكـــون تصويري = احلى كــــــلامٍ تلذذ فيه الاســمــــاعـي
مثل الـــقـــلايد على بيـض الغناديري = نـورٍ تـغـــــشـاه نــــــورٍ له تشعشاعي
والا كما وابل السحب الـمبـــاكـيـري = مرباعها يختلف عن كـــــــــل مرباعي
الـغــــيـــث دايم اليا جا له تباشـيـري = اما صفا الــجـو والا هب ذعـــــــاعي
هذا هو اللي نـبـيه يـصير ويصيري = حتى تطيب النفوس وتبرى الاوجــــاعي
ونسعد بشوف الرجال اللي بهم خيري = اعدهم لي عضـــــود وزند وذراعي
مادوروا دون واجـــبـهم مـــعــاذيري = وان قـلـت تكـفـون كـلٍ جاك فـزاعي
ومن اعتذر قـلـت ماجا منك تقصيري = ما فيه داعي نكيل الصاع بالصاعي
من طاوع اهـــل الدعاية والدهاويري = يعيش دايم بحالة حرب وصراعي
ومن قال عنـــتر طلع له سالم الزيري = عندك خبر بالرجال صقور وسباعي
والقدح والمدح مع جمع الاساطيري = ثلجٍ اليا جا تحت شمس الضحى ماعي
العلم نـــورعـقــــول الناس تنويري = عـقـب الــجهــل والـتخــلف والتـضعضاعي
وصـــلاة ربي وتهليلي وتكبيري = على النبي مادعى الــطــواف والساعي
الشاعر / سعد بن عبيدالله القصيري

الموضوع الأصلي: شعر النبط || الكاتب: فهد سعد || المصدر: منتديات القصيرين من حرب

المصدر: منتديات القصيرين من حرب