ياعل المزون الناشيه تسقي البلد =تسيل روابي نجد حتى انتمشى به
ونخيل البروق الامعه ونسمع الرعد =ونعدي على رجمن طويلن ومرقابه
وهلن هماليلن سبق وبلها البرد =وضفى سيلها من فوق وديان وشعابه
يزين الربيع ويطرب الطير للهدد=ويقولون فعلا كل طيرن ومخلابه
وتفكرت في سبعن بناهن بلا عمد=وسبحان رب (ن) ساتر الجسم بثيابه
ودنياك هذي قبلنا ماصفت ل أحد =ورحل من رحل والي قعد باقي حسابه
وترا مانت عايش في زمانك الى الأبد=وحسن خاتمه للي تشهد بسبابه
وعسى الي عقدها يحل مطوية العقد=مقادير والي يكتب الله رضينا به
و انا عادتي ما اصير بالرأي منفرد=أعز الخوي الي عزيزن بهندابه
ويصوت علي وقلت له سم ياولد=وياحي الخوي الي لياجاه حيابه
ويموت الحسود الي قطع قلبه الحسد=وش الي يفيده من كلامه لياجابه
على كبده الميسم من النار مابرد=وعسى الي يخاوي ميت النار يبلابه

الموضوع الأصلي: المزون الناشيه || الكاتب: متعب الافكار || المصدر: منتديات القصيرين من حرب

المصدر: منتديات القصيرين من حرب