نفـسـي اتبعـدنـي عــن الـشــك وإحـمــاه=والـشـك فــي بـعـض الـمـواقـف جـبـرهـا
ان خـصـنــا مـكـتــوب الاجــــواد نــقـــراه=و العوج من بعض الرجال إنهجرهـا
ومـتـعـب الـيــا شـــان الـدهــر مـاتـعــداه=مـــن دوحــــةٍ خــضــرا يــــذري شـجـرهــا
ومتـعـب يـعـرف اسـلــوم ديـنــه ودنـيــاه=ويــمــنـــاه لــوتــســـرق ســريـــقـــه بــتـــرهـــا
ابشتـكـيـلـه وادفـــــق الــحـــوض وامـــــلاه=واخـتـار مـــن زيـــن المـعـانـي ادررهـــا
يـــــا أبـوفـهـديــا كــبــرهــا الـــيـــوم كـــبـــراه=دعــــوى اتــحـــز ابـخــاطــري مـاقــدرهــا
رفيقك المخلص وصل صبره اقصاه=والـســالــفــه مــهــيـــب مـــنــــك آمـعــبــرهــا
رميـة قفـا مـن واحـدن مارميناه=شلفاه فــــــــــــي قــــلــــبــــي وهــــــــــــو مـــاشـــهـــرهـــا
ماشـفـتـلـه صـــــوره وصــوتـــه سـمـعـنــاه=وبـيـن احــروف مـــن الـبـيـوت وقـبـرهـا
وانــتــه مــعــه بــــاول كــلامــه و بــتـــلاه=دفـــــن ارس مـــــن بــيــنــه واخـتـصــرهــا
واسـئـلـك بــلــي كــــون الـبـشــر واحــيــاه=عطـنـي خبـرهـا كـــان عـنــدك خـبـرهـا
تـشـابـهـتـلــي مـــــــع طــريــقـــن عــبــرنـــاه=وحـطــة سـهـيـل وطلـعـتـه فـــي نـحـرهـا
والــرجــل طــيــب والــهـــدف مـاعـرفـنــاه=والـــســـرعـــنـــده والــــقــــفـــــول ابــــظــــرهـــــا
ويـــطــــق ويــنــجـــم ويــخـــفـــي خــفـــايـــاه=يــــكــــوي ابــــنــــاره والــــدمــــى مــانــثــرهــا
انــكـــان يـقـصـدنـاسـمـح عـــنـــه مــــــولاه=فـيـضــة زعــــل مــــن عــاقــلٍ مـاقـهـرهــا
وانـكــان يـقـصـد غـيـرنــا ماعـتـرضـنـاه=نـــبـــا نــخــلــي الـقــافــلــه فـــــــي ســفــرهـــا
وســــلــــم عــلـــيـــه وبـــلـــغـــه لاعـــدمـــنـــاه=عـــزيـــز لــــــو عــيــنــه ورانـــــــا نــظــرهـــا
و قــلــه نــجـــر يــاخـــذ كـتــابــه بـيـمـنــاه=والـمــيــتــه مـايـحـتــفــظ فـــــــي صـــورهــــا
ولـيــابــغــى الــطــرقـــه بــعـــيـــدٍ مــعـــشـــاه=ولايـكـتـشــف عـــــورات غــيـــره سـتــرهــا
والــرجـــل ودك تـنـطــحــه قــــــدم تــقــفــاه=وجــهــن بــوجــه ولاتـقــصــص جــررهـــا
اماعـتـرف واركــز مقـامـك عـلـى مـــاه=واشــرب بـراســك لـيــن يـابــس بـحـرهـا
ولانــــــفــــــا وابــعــدمــحـــطـــك ومــــــرســــــاه=لاتــنــشـــده عــــــــن قــــصــــةٍ مــانــشــرهــا
وابليـس بـيـن الـنـاس يشـعـب مطـايـاه=فـــارقـــتـــه الـــجـــنـــه وفـــــــــارق ثـــمـــرهــــا
نـــــاسٍ تــعـــوذ مـــــن جــنــابــه وتــجــفــاه=ونـــــــاسٍ تـــقــــاود لـلـخــبــيــث ودمــــرهــــا
وانـــتـــه وانــــــا يــــــا أبــوفــهــد مـاتـبـعــنــاه=الله يــعـــديـــنـــا الــجـــحـــيـــم وخـــطــــرهــــا
والـــــي عــلـــى ربــعـــه يــوريـــك حــمـــراه=وان شـــاف زلــــت جــاهــلٍ مـاطـمـرهـا
هـــذاومـــثـــلـــه يــســعــدالــقــلــب فــــــرقـــــــاه=جــعــلـــه يــطــيـــح ابــحــفـــرةٍ مــاحــفــرهــا
جاك ا لصحيـح وزبـدة العلـم عطنـاه=عـن موجـز الاخبـار واللـي حضـرهـا
وعــســـى الـعــلــوم الـطـيـبــه والـمـفـاجــاه=نــــــورٍ عـــلــــى نـــــــورٍ يـــــــزود ســفــرهـــا

نـجـرجـحـيــم الـــشـــك بــالــشــك تـــصـــلاه=تــفــيــحــت عــــنــــده وعــــجــــز يــحــكــرهـــا
وهــوجـــس ونـصــانــي كـتــابــه وشـــكـــواه=وابـــــرم رشــاهـــا لــيـــن ركــبـــت وعـــرهـــا
وفـــيـــهـــا مــقــابــيـــس الــفــتــايـــل مـــعـــبـــاه=وفــيــهـــا صــلابــيـــخٍ تــــقـــادح شــــررهــــا
وفــيـــهـــا اقــــفــــولٍ والـمــفــاتــيــح مـــخـــفـــاه=وفـيـهــا وبــــر مــاهـــو مـجــانــس وبــرهـــا
ســايـــف بـــهـــا عـــنـــي وعـــنـــده مــــــراواه=واقـــــفـــــا بـــــهـــــا واقــبــلــبــهـــا واعــتـــبـــرهـــا
ولاني بداري صاحبي نجـر وش جـاه=يـضـمــر امـــــورٍ ضــامـــري مـاضـمـرهــا
وانـا حشـا مــا أرضــا الهزيـعـه لـشـرواه=ومسؤل عن كسر العصا مـن كسرهـا
يـانـجـر انـــا حـســاس والـمـيـل مـرضــاه=لالــــــــك ولالــــيــــه وانــــــــا مــــنــــك وارهــــــــا
والـشـك وش جـابـه وش جــاب طـريـاه=ومـــن صـــف لـيـحـان الــشــداد وســرهــا
وراع الرسـالـه صاحـبـي نـجــر مـطــراه=ولاجـــــاب لـنــجــر ســيـــرةٍ فـــــي ســيــرهــا
والغـيـب فــي اوجـيــه االمسـايـيـر مـقــراه=ولانــشـــر رســالـــت واحــــــدن مـانـشــرهــا
ولالـي لـزوم ادخـل يـدي وســط مخـبـاه=ولا بـــــــــادره فـــــــــي ســـالـــفـــه مـــابـــدرهــــا
وطــــقـــــه وتـنــجــيــمــه ونـــــــــاره ومــــكـــــواه=مـــايــــمــــه بـــيــــمــــك ولـــــنــــــت بـــــدورهــــــا
شـاعــر والـــه يـاطـيـب الــعــرف مــغــزاه=ولاخــطــيــت حـــتـــى رمــيــتــه تـنـتـظــرهــا
وان كـــان ابــــه دعــــوى عـلـيــه مـخـفــاه=يشرب عصير الحنظله مـن عصرهـا
تــبــيــنــي اصــفـــلـــك مــحـــلـــه وتـــنـــصـــاه=وتــــــرد الـــعـــدود الــــــي قــــــراحٍ مــطــرهــا
ويـبـرا الـفـواد الـــي طـنــا الـشــك يـشـعـاه=بــنــار الـهـجــوس الـمـوجـعـات وقـشـرهــا
هـــــــذا وعــطــنـــي رايـــــــك الـــــــي تـــــــوراه=ولــــــك الــخــيــار ابـــوردهـــا وابــصــدرهــا
ولاتــحـــط لـلـمـوضــوع صــــــره وجــمــهــاه=يـــانــــجــــر قـــمــــرانــــا جــــــلــــــيٍ قــــمــــرهــــا
يـانـجــر خــــل الــشـــك لــهـــل الـمـحـابــاه=الــــــــي تــــولـــــع نـــــــــاره فـــــــــي اغـــتـــرهـــا
ولاتــســتــمــع لــــهــــروج فــــتــــاح الافــــــــواه=الــــــي ابـتـخـمـيــش الاظـــافـــر ضــفــرهــا
يـشـيـلـون ذيــــك وذيــــك تـبــقــى مــخـــلاه=ويـعـمــون عـمـيــان الـبـصـايـر بـصــرهــا
خــلــك مــعــي يـامـعــرب الــجــد والــجـــاه=مــــــــاودي الــرفـــقـــه هــــذيــــك تــخــســرهــا
تــــــراك عـــنـــدي لــــــك مـــعــــزه ومــلــجـــاه=وعـــنــــدك خـــبــــر بـرهــانــهــا وتــخــبــرهــا
ومــن طـــاوع الشـيـطـان خـلــه ابـمـسـراه=عـسـى مـطـر سحـبـه تـيـبـس خـضـرهـا
خـــلـــه لــعــلــه هـــفــــت مــقــيـــط وارشـــــــاها=نــــســــاوقـــــة مـــطـــيـــتــــه وان عــــقـــــرهـــــا
لاتــعــتــرض دربــــــه ولاتــتــبـــع ارضـــــــاه=وارجـــم ابـلـيـس ابسـبـعـةٍ مــــن حـجـرهــا
وسبعه معـي وارجـم بهـا ابليـس وارداه=واقــــــرا ايــــــة كــــــل الــجــنــون تـحـشــرهــا
اقرا اية الكرسي على ابليس واعصاه=والنـفـس عــن بـعـض الامــور نعـسـرهـا
وبعـت وشريـت وشــرت والطـيـب ادراه=واشـــــوم وشـيــمــة صـاحــبــي مـاغــدرهــا

الموضوع الأصلي: مساجلات الشاعرين نجر العصيمي ومتعب الديري رحمه الله || الكاتب: منصور القصيري || المصدر: منتديات القصيرين من حرب

المصدر: منتديات القصيرين من حرب

اليوم خليت القلم يرعـف ارعـاف=ويكتب على بيض الورق من قصيدي
هاض الضمير وجبت قافٍ ورا قاف=قافٍ جديـد وفيـه معنـاً جديـدي
واباسند المعنى على ذخر الاشـراف=اللي لهم بالكـون باسـن شديـدي
وناخذ مع الموضوع هده ومحـراف=والسر يبقى عنـد سـاع البريـدي
ليا صرت صرافن وفي سوق صراف=يزيد من عرفـي ويكثـر رصيـدي
يا متعب الديري رسمت الك الاهداف=وانته هدفك مـع الرمايـه بعيـدي
وابا شتكيلك هـدة الطيـر عسـاف=طيـرن يهـد وللحبـاري يصيـدي
يطب غبـات البحرفـوق مجـداف=و يقربلي اقرب من حبال الوريـدي
يا طيري اللي حاسبه قبـل عـراف=يزيدنـي حمـلـه ولا يستـزيـدي
في كل يوم يزيدها ضعف الأضعـاف=يكفخ بجنحانـه علـى مـا يريـدي
يكفخ بجنحان السعد قـدم واخـلاف=ويضرب بشلفا خالد ابـن الوليـدي
وانا معنزهـا علـى راس مشـراف=والحبـل بيدينـي قويـن جويـدي
مبغيك تفزع لـي ولا نـي بخـواف=ولا انت كفون للفزع يـا عضيـدي
ابغيك تحكم بيننـا حكـم الانصـاف=حكمٍ فريـد وعنـد رجلـن فريـدي
حكم العدالة ما نبي حكم الاجحـاف=يوم انت لاضاوي و لا انت القعيدي
قبل انتقاسـم بيننـا رد الاسـلاف=وتصفي على عنتر وعبد المجيـدي
ويجيلهـا مدقـر وتـزداد بطـراف=وسوالفـن منهـا العـدا تستفيـدي
والرفقه اللي تجرح القلـب تنعـاف=والطق يكسـر مبهمـات الحديـدي
حل المشاكل يا بعـد كـل مزهـاف=اخترت رأيك يـوم رايـك رشيـدي
وتمت بذكر منـزل الغيـث هتـاف=يا مخزي الشيطان لو هـو مريـدي

يا مرحبا عـداد مـن حـج واطـاف=ترحيبتـن فيهـا المـوده تـزيـدي
عـداد همالـن يجـي مزنـه ارداف=بامر الـذي لـه يسجـدون العبيـدي
ترحيبتـن فيهـا البراهيـن تنشـاف=براع الجواب اللـي جوابـه سديـدي
اللي طواريقـه لهـا عـدة اصنـاف=بحال ابتحل وبحال منهـا استفيـدي
نجر العتيبي عقب مرويـن الاسيـاف=نطاحـة الواجـب كعـام الكنـيـدي
يشكي علي الطير مسمـوم الاطـراف=اللـي يـهـد ويستـبـد ويعـيـدي
بحلان في طبعـه وهـو فيـه رواف=هذا حسب عرفـي وحسـب تحديـدي
و شرحلي الموضوع عن كل ماشـاف=و عد العديد وطـاف شـي ٍعديـدي
والعلم بـه لفـه وطفـه ومعطـاف=و نجر عنيـد وراي طيـره عنيـدي
ونجر حسب قوله ما هو خابر خـلاف=منشـان يشـارك كايليـن الثميـدي
طيـره بقالـه بالخضيـرا ترفـراف=فـوق الهضـاب النايفـات البعيـدي
وهاف وتهايف واعتلا راس مهيـاف=وبطلعتـه زاد العـقـود اتعقـيـدي
و نجرحسب قولـه ماهوخابرخـلاف=من شان يشـارك كايليـن الثميـدي
ونجر طلـع هـداف والطيـر هـداف=هذا الصحيـح وذا الكـلام الزنيـدي
واهدافهم بهـا طعـم سـم الاتـلاف=سمن يحش عروق خضـر الجريـدي
و الكل منهم بالجنب مسرف اسـراف=واحترت من بيـن النـذر والوعيـدي
وانا لبو حجـرف وللطيـر عسـاف=وارضا خواطرهـم ربيعـي وعيـدي
ولا ودي انياب الجمل تصل الاظـلاف=و الكل يبقـى فـي حياتـه سعيـدي
ويا نجر انا ابا صفلكم بعض الاوصاف=وانته تعـرف العلـم منتـه بليـدي
ما طال مـا جـا للمواقيـف ميقـاف=مالك ورا القطـب الشمالـي فقيـدي
لا تذلهـب الغـاره ورا كـل حـواف=و تبيـد ركابـك وحيـلـك يـبيـدي
و يبرزلراع الحـذف مليـون حـذاف=وجمع الزناتـي يلتقيـه ابـو زيـدي
وتمت بذكر مكـون النـون والكـاف=محيي الهشيم اللي عروقـه هميـدي

أبا ألبس عن العجه مناظـر ودرع وطـاس=واخيـل المـزون اللـي هواهـا يجاذبـهـا
وابا اكتب من الذكرى حروفٍ على قرطـاس=وابا انشد هواجيسي ويـش اللـي مسببهـا
كتبت وقريـت بصـورة النـاس والخنـاس=عـلاج الصـدور اللـي مرضهـا يعاتبهـا
وابا اسند على روحي واجنب جميع النـاس=اجنـب جميـع النـاس مخطـي وصايبهـا
اباافصل على قدي وابا اعرض على الحساس=ومـن يفتهـم لحـروف الاعـراب يعربهـا
يا متعب نبي كلمـه بعيـده عـن اللـولاس=على قمـة الموضـوع مـن راس شايبهـا
وانا عادتي ما البس ثيابـي بـدون قيـاس=اقايـس علـى طولـي وعرضـي وارتبهـا
ولي مع هل المعروف والعـرف كلمـة راس=واشـوف الصباخـي يـوم تلمـع واجنبهـا
واليا شفت حفار الجحـارة يديـر السـاس=ابـو لحيـةٍ مـا ياصـل المـدح شاربهـا
هدمت الجحارة لين تصبـح عليـه ادمـاس=علـى شـان مـا يلقـى منطـه ينطبـهـا
وعقود الذهب يا حلوها مع عقـود المـاس=وحديـد التنـك يلقـى حـديـد يقاربـهـا
واحب الحرار وكل شوقـي مـع القرنـاس=ولا نمـدح اللـي سلـم المـدح عاقبـهـا
لو النـاس تفهـم كلهـا بالخطـا لا بـاس=تشـوف الـدروب العـوج قـدام تقربـهـا
ابـا اصفـي الناتـج بعيـد عـن الافـلاس=عسـى السالمـي معنـا يصفـي غرايبهـا
وحلاة الغرايب عنـد متعـب قـوي البـاس=خبيـر الذخايـر قبـل تاصـل ضرايبـهـا
ومعاليق قلبي منـك يـا بـو فهـد يبـاس=عديـت ومشيـت وكـل سكـه تجربـهـا
عرفتـك بحـام القيـظ ياالسابـح الغطـاس=تحـب السبـاحـة والسبابـيـح تتعبـهـا
وانا ما لمستك وانـت تلمـس ورا اللمـاس=بيمـنـا شريـفـه طـايـلاتٍ مخالـبـهـا
وكبير العرب ما يحـرق البـن باالمحمـاس=يحافـظ علـى الحمسـة قبـل لا يخربـهـا
نبي عذر طيب ما نبـي عـذر ابـو نـواس=على شان نرضـى بـه ونحمـد عواقبهـا
ولو انـا نحبـك ياالمشاكـل ملينـا اكيـاس=نبـي قطـع سلـك الذبذبـه مـع تذبذبهـا

هـلا مرحبـا ترحيبـةٍ تبعـد الهـوجـاس=عن الصاحب اللي حـس بحسـاس لاهبهـا
لمس والتمس وادنا الفتيله مـن المقبـاس=يبي نـار حاسوسـه قبيلـه يحـس ابهـا
اسندها على نفسه واخذ صاحبـي مـرواس=وعرضهـا عليّـه يـوم شلفـاه خظبـهـا
وعقب ما شبك سلك اللغم وايقـظ الحـراس=يبـي متعـب الديـري ايعالـج مصايبهـا
وانا مستعد ابـذل جهـودي ولا بـه بـاس=واصفلـه عـلاج جروحـه اللـي يناسبهـا
على شان اشاعة عكسها تكشـف العكـاس=جروحـن عرفـت اعلاجهـا لا تسيبـهـا
انا اعطيـك راي وانتـه المفتـي الـدراس=اتحلـل رمـوز حروفهـا قــدم تكتبـهـا
حروفـن معانيهـا علـى مقرهـا غـلاس=وتعيـض وتغيـظ وجانـب العـز جانبهـا
لكن يا بو حجرف لايمس الرشـا المسـاس=تقطـع ابتوتـه والبـل القيـظ حاظبـهـا
يعارض محطه واحدن مـن نشـاط النـاس=يحـاول يبـي تخليصهـا ليـن ينشبـهـا
نشيط وشميط وعنده السيف مثـل الفـاس=ويحـط الايديـن بحلـق الافعـي يجربهـا
وتحـذر مـن المتعافـي الارفـل القبـاس=مكسـر شـداده لارنبـه قبـل يقضبـهـا
تخير طريـقٍ عـن طريقـه وتاجـد نـاس=رجـالٍ تبـيـع نفوسـهـا دون واجبـهـا
هل المذهب الطيب هل البـاس والنومـاس=شريفين الانفس مجـذب الطيـب مجذبهـا
انا اعطيك رايي وانت رايك بعيـد ارمـاس=رجـال الوفاوالطيـب بالطيـب تكسبـهـا
وانا اللي اليا هبـت هبـوبٍ بهـا نسنـاس=اعرف السباع الشهـب واعـرف مدربهـا
وادرج اخطاي الثابتـه نحـو راع الكـاس=طبيـب المعانـي كـان شبـت شبايبـهـا
وابا اخذ معه واعطي على صفحة الكـراس=بيـوتٍ معانيهـا هـل الصنـف ترغبـهـا
بعيـدٍ عـن الشكـات والدبـس والدبـاس=وسيمـةٍ معانيـهـا رصـيـد لمكاسبـهـا
وانا ما احرق الحمسه ولا اغفل عن الحماس=وانقـي بكـفـي هيلهاقـبـل لا اشربـهـا
وانا ما لمستك وانت لا تطـاوع الوسـواس=مامون الحجج مامـون مـا خـان كاتبهـا
وانا وانت يا نجر العصيمـي لنـا نبـراس=ينـور طريـق ركابنـا فــي معازبـهـا
ولا فكر على ما قلت في عذر ابـو نـواس=وادل السبـاع جبالهـا واعـرف شعبـهـا
وتقبل تحيـاتٍ بهـن طـب كـل اعمـاس=فداك المعـادي واجمـع العقـل واقصبهـا

مشكور ابو ياسر على النقل والتوثيق لهذه القصائد الرائعه
الله يرحم الشاعر متعب الديري ويبقى الشاعر نجر العصيمي
تحياتي