قصيدة للشاعر فهد بن متعب الديري
بمناسبة زواج الشاب رباح بن سعود بن عبيد الديري
هلا مرحبا في حلة اهل الوفاء والجود=هل السلم والعادات من عصر الاجدادي
اهل خطّرن تضحك وأهل منسفن ممدود=وأهل مجلسن مدهال للنزل والبادي
تراحيبهم تجلى عمس خاطر الملهود=تقل يسمع التكبير بيّام الاعيادي
هلا بسم ابوعايض عدد ماتهب النود=على خايعن ترعى مفاليه الاذوادي
نسايم هواها خنّت معتّق الكمبود=لخالط شذاه الورد والمسك والكادي
بكم حفلنا المشهود يهل الوفا المعهود=مراث الجدود مورّثينه للاحفادي
وفيتم وكفيتم وجزل الثنا لسعود=نسوقه وينساق ونقوده وينقادي
زهى المدح محمود السجايا شباب وعود=نقي السراير سالم اضغان الاحقادي
عدو الريا مذخور فزعه وراعي جود=بريّن لسانه من قفا عرض الاجوادي
عسى اللي مهو عادي بيومن سهود مهود=فدى اللي مهو عادي بيومن مهو عادي
وعسى طيب فالك سيرته يارباح سعود=ملي صفحة التاريخ هجري وميلادي

الموضوع الأصلي: هلا مرحبا في حلة اهل الوفاء والجود || الكاتب: منصور القصيري || المصدر: منتديات القصيرين من حرب

المصدر: منتديات القصيرين من حرب