منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   قصيدة للشاعر عايض بن ذواخ المرزوقي موجهه للشاعر فهد بن متعب الديري (http://www.alqesuirien.com/vb/t5787.html)

منصور القصيري 01-03-2016 01:04 PM

قصيدة للشاعر عايض بن ذواخ المرزوقي موجهه للشاعر فهد بن متعب الديري
 
بندقي مقطورتن من راس متني=والرصاصه فالهدف من رمق عيني
بالخطا من خلقتي ماعودتني=ويالله انك من خطاها تحتميني
والثقه مع كل طيب وثقتني=والردي مقلط عليه ولا يجيني
وساعتن في مجلس الديري عطتني=روح من روح الرجال الأوليني
بارك الله بالخطى اللي سيرتني=وإجمعتني مع وجيه الغانميني
بليلتن فيها المشاعر شاركتني=والمطر والعود والكبش السميني
الكواكب في مسيري واكبتني=مع رجالن للمعالي مرتقيني
حرب هيبتهم تهيّب كل فتني=غابتن تقتض بسباع العريني
صفحة التاريخ عنهم علمتني=بالثلاث اللي كما العقد الثميني
مفرداتن معجزاتن علقتني=بالتمعن في مدى الجود المتيني
والمزون الغر من ماها سقتني=مامشن اطلاق من عند المزيني
=رد الشاعر فهد الديري
ليلتن مانت على الصبح وسرتني=تنتهيني من جديد وتبتديني

وأبتديها وأنتهيها ما هدتني=والسؤال يحثني بيني وبيني

فتنة أهل التيه لو ما توهتني=م أقتبست لنورها من طور سيني

تباً لجرد السنين اللي خذتني=في ركاب اللي لابيه ولا يبيني

ليه أغني سافرت ماودعتني=فارقيني ياضعون الراحليني

ليلتي وأمانتك ياملهمتني=كل مامنتي على الصبح اذكريني

وإن دهتك اللي فرايدها دهتني=فرعي لي وإعتزيبي وإزهليني

فاخره من عايض بن ذواخ جتني=شلتها بالصدر ماهو في يديني

جملتني وأسعدتني وأحرجتني=كل ماجيت أحتويها تحتويني

شرهة الطيب تمون وطايلتني=والردي مداه شبر وقفلتيني

كيف ابيع اللي هقاويهم شرتني=وين أروح من الوفا وأصلي وديني

خوتي مع البقوم مشرفتني=وأفتخر وأعدهم مني وفيني

مجدهم عنه الملاحم حدثتني=سامعتهم مثل شمس المشرقيني

ماخفت ظرف الزمان ولاخفتني=خالده ببطون كتب الدولتيني


المسافر 02-03-2016 01:45 PM

صح لسان الشاعرين الله يعافيك يا ابو ياسر على النقل

مخاوي الليل 03-03-2016 02:01 PM

صح لسان الشاعرين

ابوفهد المزيني 04-03-2016 07:28 PM

صح لسان الشاعرين الله يعافيك

وبيض الله وجهك يا ابو ياسر على النقل


الساعة الآن 03:40 PM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team