منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى الشعر الشعبي (http://www.alqesuirien.com/vb/f17/)
-   -   ياسلامي على اهل الشعر (http://www.alqesuirien.com/vb/t5801.html)

شلاح صالح بن فازع 08-03-2016 12:25 AM

ياسلامي على اهل الشعر
 
بسم الله الرحمن الرحيم
والصلاة والسلام على اشرف الانبياء والمرسلين

تحياتي وتقديري لجميع العاملين في هذا الصرح الشامخ الله يجمعنا حنا وياكم على ما يحب ويرضاه
يا سلامي على اهل الشعر والمنتدى والمتصفحين =مثل همال السحابه وابله يبرى لها
والله انّا ياجــــــمــــــاعــــة للقـصــايد معطــشــين =والمـــعانـي لا بـرموها حلها حلالها
الله الله ياليــــالـــي كــم طـــويتــــي مــن سـنــــين =والقليب اللي حفرنا ما هدمنا جالها
تحياتي وتقديري لكم ...
اخوكم / ابن فازع

ابوفهد المزيني 20-03-2016 08:56 PM

صح السانك وبيض الله وجهك

أبوزياد العويمري 24-03-2016 01:23 PM

يا مرحبا يا ابو صالح حياك الله انت والجميع
صح لسانك وتقبلوا تحياتي وهذا المجاراة المتواضعة
يا ابو صالح مثل ماقلت نطمع بالثمين=بالبيوت اللي تشرف لمنهو قالها
وربعنا بالمنتدى بالشعر متمكنين=يكتبون من القصايد خيار جزالها
وانت تكتب يابوصالح من الشعر السمين=ومن سعى للطيبه واجتهد ينالها
ومنتدانا له علينا حقوق بكل حين=وياجب إنا كلنا رفعته نسعالها
والتواصل بين اﻻعضاء وبالحبل المتين=ميزة رجال تشرف علوم افعالها

منصور القصيري 24-03-2016 01:49 PM

صح لسانك ياأبوصالح وصح لسانك ياأبوزياد
بيض الله وجيهكم والله يعطيكم العافية
تحياتي وتقديري للجميع

الساري 24-03-2016 02:09 PM

صح السنتكم وبيض الله وجيهكم ابيات جزلة شكرا لكم شعرائنا مبدعين

شلاح صالح بن فازع 31-03-2016 02:02 PM

اقتباس:
المشاركة الأصلية كتبت بواسطة أبوزياد العويمري http://www.alqesuirien.com/vb/tl4s_a...s/viewpost.gif
يا مرحبا يا ابو صالح حياك الله انت والجميع
صح لسانك وتقبلوا تحياتي وهذا المجاراة المتواضعة
يا ابو صالح مثل ماقلت نطمع بالثمين=بالبيوت اللي تشرف لمنهو قالها

وربعنا بالمنتدى بالشعر متمكنين=يكتبون من القصايد خيار جزالها
وانت تكتب يابوصالح من الشعر السمين=ومن سعى للطيبه واجتهد ينالها
ومنتدانا له علينا حقوق بكل حين=وياجب إنا كلنا رفعته نسعالها
والتواصل بين اﻻعضاء وبالحبل المتين=ميزة رجال تشرف علوم افعالها




بسم الله الرحمن الرحيم
الشاعر:سلمان بن صويلح
صح لسانك على هذي المجاراه ويشرفني ويسعدني ما تفضلت به والمقصد ويعلم الله ان هذا المجاراه تحريك للمنتدى لجميع اقسامه واشكر جميع الشعراء والمتابعين لهذا المنتدى وهذا المنتدى بعد ما تابعت المنتديات انه من افضل المنتديات وهذا يدل على العاملين به والتعامل الطيب بين الجميع ورفعه للمستوى يليق به

عشت ياسلمان ياراعي الوفاء يالدرع الحصين =لاقبلن قــب الســـبايا واعتزا خيّالـهـا
انت من روس العزاوي عشت يالحــر الذهيــن =الولد ابن الولـد والعـــزاوي شـــالهــا
قيل من عقّب ولد ياخذ على البصــمه يقـــين =دلة الرسلان سيقت ياحـــلو فنجـــالـها
انطوت نص الصحـيفه مع مقــــابل ياسمـــين =الله انــه يطــيــــب يلـــبنــاخي فالـــهــا
وكلت بالاوســــمــه وحلــفـــــوها باليـــميــــن =وانجـبت روس العزاوي عمها مع خالها
عمها ذاق الغلايــل صـار بالوحـــده حـزيـــــن =وخالها ذاق الغلايل حالتــه يرثالــــهــــا
والله ان بعض الشكاوي ما تفيد المشـــتكـيـــن =الهشيمه لا تهاوت مـا يظـــل ظــــلالها
والله اني ضارب التهميش بالـــحد الــسنـــــين =لابحرن عقد القوافي ماقصـرنا اطوالها



تحياتي وتقديري لك يابو زياد ...
أخوك/شلاح بن فازع

أبوزياد العويمري 31-03-2016 07:25 PM

صح لسانك وبيض الله وجهك ياابو صالح اول وتالي ماقصرت
الله ﻻيهينك ويطول عمرك وﻻ عليك زود بكل العلوم الطيبه
انت وجميع اﻻعضاء المتواجدين بهذا الصرح الشامخ


وتقبل تحياتي وتقديري /اخوك ابوزياد

سويلم بن سرور القصيري 31-03-2016 07:47 PM

صح لسانك يابو صالح وحمستنا شوي

والله انك يابو صالح معك عقلٍ فطين=والرجال رجال والطيبه نسعى لها
ويش رايك لو نقرا رياض الصالحين=والعلوم الثانيه خلها في فالها
ماسجدنا غير لله رب العالمين=سوقها ياصاحبي والعرب تبرالها

شلاح صالح بن فازع 31-03-2016 11:29 PM

اقتباس:

المشاركة الأصلية كتبت بواسطة سويلم بن سرور القصيري (المشاركة 38693)
صح لسانك يابو صالح وحمستنا شوي

والله انك يابو صالح معك عقلٍ فطين=والرجال رجال والطيبه نسعى لها
ويش رايك لو نقرا رياض الصالحين=والعلوم الثانيه خلها في فالها
ماسجدنا غير لله رب العالمين=سوقها ياصاحبي والعرب تبرالها

الشاعر : سويلم بن سرور القصيري
صح لسانك يابو وليد و بيض الله وجهك على هذي المجاراة ودخولك على الخط يسعدنا ويشرفنا ومثل ما اسلفنا المقصد تحريك المنتدى لجميع اقسامه
يــالله ان عــــســـانـــا ياســويلم سالــمـــين ***وبمجتمعنا كم واحد كلمته ماقالها
ياكريــم الســـجـــايا ياقــــبال الغانـــمـــيــــن ***مايشيل الثقايل غير ماتنـجــمالها
وقالوا العرف مايعرض على اسماع العارفين *** حاسبين المعاني دقها واجلالهـا
والله ان ما بدينــــا بالقـــوافي مســـتهــيـــن *** الوفاء يبرالــها والسعد يبرالـها

تحياتي وتقديري لك يابو وليد ...
أخوك/شلاح بن فازع

ناصر ابن عويمر 01-04-2016 02:14 PM

صح لسانك ياأبوصالح وصح لسانك ياأبوزياد
بيض الله وجيهكم والله يعطيكم العافية
تحياتي

محمدالقصيري 02-04-2016 07:23 PM

اخوي شلاح صح السانك علا الابيات وانت معودنا علا الجزل
اخوي سلمان صح السانك وبيض الله وجهك مبدع يابو مثل عادتك
اخوي سويلم ابن سرور صح السانك علا الجزاله
وتقبلوا احترامي وتقديري

شلاح صالح بن فازع 17-04-2016 01:48 PM

اقتباس:

المشاركة الأصلية كتبت بواسطة ناصر ابن عويمر (المشاركة 38698)
صح لسانك ياأبوصالح وصح لسانك ياأبوزياد
بيض الله وجيهكم والله يعطيكم العافية
تحياتي


اخوي الكريم : ناصر بن عويمر
صح بدنك على المتابعة والتعليق الله يعافيك ويطول عمرك
تحياتي لشخصك الكريم ...
أخوك/شلاح بن فازع

شلاح صالح بن فازع 17-04-2016 01:54 PM

اقتباس:

المشاركة الأصلية كتبت بواسطة محمدالقصيري (المشاركة 38707)
اخوي شلاح صح السانك علا الابيات وانت معودنا علا الجزل
اخوي سلمان صح السانك وبيض الله وجهك مبدع يابو مثل عادتك
اخوي سويلم ابن سرور صح السانك علا الجزاله
وتقبلوا احترامي وتقديري

اخوي الكريم : محمد بن ثلاب
صح بدنك على المتابعه والتعليق هذي المجاراة بدت بيني وبين شعراء واشكرهم على المجاراة والمعنى والجزالة الشاعر سلمان بن صويلح القصيري والشاعر سويلم بن سرور القصيري لهم مني جزيل الشكر والتقدير الله يبيض وجيههم
تحياتي وتقديري لشخصك الكريم ...
اخوك/شلاح بن فازع

شلاح صالح بن فازع 14-08-2017 09:11 AM

أعضاء منتدى قبيلة القصيرين والمشرفين والمتابعين وضيونا الاعزاء تحيه طيبه للجميع المنتدى علم من اعلام القبيلة ويجب دعمه من جميع المشاركين وقليل مستمر ولاكثير منقطع
اخوكم/شلاح صالح ابن فازع


الساعة الآن 02:17 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team