يابدر ابا العب وانبسط واتسلا=واقدم اللي لي عليه استطاعه
النفس من جو الكآبه تملا=لكن على ماقيل ساعه وساعه
اليا زهمت الشعر رحب وهلا=بدنيا الخيال وقال سمع وطاعه
ياما جمعته بين وردٍ وفلا=ومسكٍ يربح من شرابه وباعه
واهديته الغالي ولوما تغلا=وحفظت سره مثل حفض الوداعه
القى الصديق بخاطرٍ مسفهلا=ولو نفترق يصعب عليه وداعه
العمر ينقص كل يومٍ يزلا=وياشين فرقا الشمل عقب اجتماعه
يااللي من امثال العرب تستدلا=اد الحقوق وخل عندك قناعه
واختار خلٍ من خيار الاخلا=ينومسك من طول شبره وباعه
قرمٍ سنافي وافيٍ مايذلا=ولا يستمع لمروجين الاشاعه
كم مثلوا فيلم فلوه وفلا=اما على التلفاز ولا الاذاعه
تكاثر الفيروس لو قلت ولا=لين انتشر بقليلين المناعه
يوم المهجن والمدجن تولا=كم من شبابٍ ساهموا في ضياعه
ومن يطلب العلم الصحيح يتعلا=العلم نورٍ نقتبس من شعاعه
والختم يامن وحد الله وصلى=صلوا على المختار راعي الشفاعه
الشاعر سعد بن عبيدالله القصيري

الموضوع الأصلي: يا بدر || الكاتب: فهد سعد || المصدر: منتديات القصيرين من حرب

المصدر: منتديات القصيرين من حرب