منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   حييت ياالشيخ رابح عد وبل السحاب (http://www.alqesuirien.com/vb/t5814.html)

فهد سعد 01-04-2016 03:20 AM

حييت ياالشيخ رابح عد وبل السحاب
 

قصيدة عبارة عن رد ثنا وعرفان مهداه لكل من :
الشيخ رابح بن مــــريع الـــجــابري والشيخ فاطــم بن صــيـفي الــجـــابري
والعقيد حـــاتـم بن نــواف الــجــابري
إن قلت شكراً فشكري لن يوفيكم حقاً سعيتم فكان السعي مشكوراً
إن جف حبري عن التعبير يكتبكم قلباً به صفاء الحب تعبيرا
القصيدة:
حييت ياالشيخ رابح عد وبل السحاب = على ربيعٍ صفا جوه وذعذع هواه
يالخيّر النيّر اللي ينحسب له حساب = عند الملمات والحاجات يذري ذراه
محبوب مرغوب من طيبه ولين الجناب = اقولها من وفا واقولها من غلاه
الاصبح الارجح اللي كما وصف العقاب = ولا مثل وصف بدرٍ معتلي في سماه
ينفع ويشفع ويدفع مايحسب حساب = بالمال والحال والفزعه وجاه ووجاه
ما قصده الا العلوم الغانمة والثواب = واصل الزويكي زكي ولا يبي له زكاه
واهدي على الشيخ فاطم صفحة من كتاب = لو ان الاشعار تقصر ما تصل مستواه
اللى قباله يكفى عن طعام وشراب = ابا اشكره واذكره بالخير واظهر ثناه
لحرب ركنٍ ركين وللطراقي زهاب = يذبح لهم كل كبشٍ غاليٍ مشتراه
لايابعد من وعوده مثل وصف السراب = كذاب نصاب والكذاب تبت يداه
ومعقدين البشر لعلهم للذهاب = اللي يبون الزمن ياقف ويرجع وراه
حنا حماة الوطن شيبان والا شباب = خدمة وطنا فريضة مثل فرض الصلاه
واولادنا هم عماد بلادنا والحجاب = من يوم نادى الوطن هبوا ولبوا نداه
يازين قرب الاهل والبعد هم وعذاب = لكن بعض القضايا ماتهم القضاه
بعض العرب مغلقٍ بوجيههم كل باب = وبعض العرب روحوا من تحت كم العباه
والابن وده بخدمة والده يوم شاب = ووقفوا لنا بالنظام اللي غليضة عصاه
حتى لفينا على ابو سعود والفال طاب = وانا اشهد انه يدسم شارب اللي نصاه
على فناجيل بنٍ مثل وصف الخضاب = مع سكري من البستان توه جناه
ياما عزمنا وكرمنا وودى وجاب = عساه دايم قوي والله يزيده غناه
اسند على حرٍ اشقر نادرٍ مايهاب = حاتم وحاتم على اسمه مايبي له وصاه
بذل قصارى جهوده لين جاب الخطاب = مهما فعلنا وقلنا مالحقنا جزاه
ان قلت ابو زيد والا قلت يشبه ذياب = وان قلت يشبه سميه في وفاه وسخاه
انتم هل المجد والجمع العزيز المهاب = واهل الرتب والمناصب والرجال الدهاه
جوابرٍ يجبرون المنكسر والمصاب = وكواسر يكسرون اللي تبين خطاه
وربعي بني سالم اللي يحتمون الركاب = دفانة الركبة اللي يكسرون الغزاه
سالم ومسروح جسم وروح واسود غاب = على العدا اشد واقسى من جبال السراه
قد قالوا السيف مايمسّك بدون النصاب = وقد قالوا العود مايبقى بدون اللحاه
واستغفر الله عد مابان نجمٍ وغاب = سبحانه اللي يرى خلقه ولا احدٍ يراه
الشاعر سعد بن عبيدالله القصيري الحربي
تمت في ( 15/6/1437هـ )

ناصر ابن عويمر 01-04-2016 02:08 PM

صح لسان الشاعر الكبير ابو فهد
والجوابر قدموا علم غانم ويستاهلون كل ماقيل فيهم
شكراً ابو ريهاف على النقل
تحياتي

الساري 02-04-2016 02:17 AM

صح لسان الشاعر ابو فهد وشكرا لك يافهد على نقل هذه القصيدة الجزله يستاهلون

المسافر 02-04-2016 07:17 AM

صح لسان الشاعر والله يعافيك على النقل المميز

محمدالقصيري 02-04-2016 07:15 PM

صــح السان ابو فهد ويستاهلون ماقيل فيهم من مدح وكل راع طيب يستاهل
وتسسلم علا النقل والتدوين
ولك كل التقدير

فهد سعد 04-04-2016 04:02 PM

صح بدنك اخوي محمد تستاهل الطيب لاهنت اسعدني مرورك

فهد سعد 04-04-2016 04:05 PM

صح بدنك اخوي المسافر الشكر موصول لكم على حضوركم المميز

فهد سعد 04-04-2016 04:07 PM

صح بدنك اخوي الساري تستاهل الطيب والشكر الجزيل
على حضورك الطيب لاهنت

فهد سعد 04-04-2016 04:11 PM

صح بدنك الله يسلمك ياابوفيصل تستاهل الطيب
ولك الشكر والتقدير على حضورك المشرف


الساعة الآن 08:17 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team