منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   ياعمر من شفتك غدى الهم والضيق (http://www.alqesuirien.com/vb/t6080.html)

فهد سعد 22-02-2017 05:20 AM

ياعمر من شفتك غدى الهم والضيق
 


قصيدة مهداه للأخ العزيز الغالي عمر بن عابد العصلاني الحربي
ياعمر من شفتك غدى الهم والضيق = لعل لك في ساعة الضيق مخراج
سيفٍ بيمنايه ليا نشفت الريق = وشيكٍ بمخابيه ليا صرت محتاج
حي الصديق اللي يحفظ المواثيق = له وقفةٍ دايم تبشر بالافراج
والله لاغني له بزين الطواريق = وارفع له البيضا على كل الابراج
تحرك اللي لاجيٍ بالصناديق = يشبه لموج البحر الأحمر ليا هاج
ياما جمعت من الدرر للمطاليق = من الكنوز اللي تغطيها الامواج
المدح يصلح بالرجال العماليق = اللي لهم بالطيب سيرة ومنهاج
والا الرخم والمسكنة والمطافيق = من دونهم حطيت ضبه ومزلاج
خطو الولد لاشيف نفعه ولاذيق = لو علق النجمه ولو علق التاج
جعله فدى اللي للمراجل عشاشيق = والكل منهم للوطن درع وسياج
لو ان دنيانا هواها تصافيق = ناسٍ وطاها الوقت مع قل الانتاج
انا معي حظٍ من الله وتوفيق = مدام ليه صاحبٍ مثل هداج
يلهم قباله كل شاعر وذويق = واليا قلط يقلط على فلة احجاج
مع حلو احاديث السمر والتعاليق = في مجلسٍ مافيه لجه ولازعاج
وان صار بالدعوى حقوق ومغاليق = المشكله عنده لها طب وعلاج
=الشاعر سعد بن عبيدالله القصيري الحربي

المسافر 23-02-2017 10:03 AM

صح لسان الشاعر سعد عبيدالله وشكرا على النقل اخوي فهد

فهد سعد 25-02-2017 09:23 AM

=المسافر;39336]صح بدنك اخوي المسافر الشكر موصول لك على حضورك الطيب

ناصر ابن عويمر 02-03-2017 11:12 AM

حـــي الـصـديــق الــلــي يـحـفــظ الـمـواثـيـق
لــــــه وقـــفـــةٍ دايـــــــم تــبــشـــر بـــالافــــراج
والله لاغـــنــــي لـــــــه بـــزيــــن الــطــواريـــق
وارفـــع لـــه الـبـيـضـا عــلــى كــــل الابــــراج
صح لسان ابو فهد
وشكراً لك يافهد على النقل
تحياتي

فهد سعد 14-03-2017 03:32 PM

اقتباس:
المشاركة الأصلية كتبت بواسطة ناصر ابن عويمر http://www.alqesuirien.com/vb/tl4s_a...s/viewpost.gif
صح بدنك تسلم ياابو فيصل اسعدني مرورك الكريم
الله يعطيك العافية


الساعة الآن 04:28 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team