منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   في فرح ضيف الله الله يحيي من حضر (http://www.alqesuirien.com/vb/t6129.html)

فهد سعد 19-10-2017 10:02 PM

في فرح ضيف الله الله يحيي من حضر
 

مشاركة بمناسبة افراح ضيف الله عبدالله القصيري
جيت ابااشارك وابارك واحيي بالحضور=في فرح ضيف الله الله يحيي من حضر
مرحبا ترحيبةٍ تنشرح منها الصدور=بالرجال اهل المكارم والظفر
عاشوا عيال الحمايل طويلين الشبور=لايحسبون الكلايف ولا طول السفر
يوم جونا واسعدونا وزاد النور نور=وجيت الغالين تنفع مثل نفع المطر
شاركونا فرحة الخير الشهم الصبور=جعلها بالهيل والسيل والروض الخضر
عند ربعٍ ما دخل طبعهم كبر وغرور=وكم لهم لمست حنانٍ يزول بها الضرر
ونفتخر في كل شاعر يعبر عن شعور=جا يبادلنا المشاعر ووجهات النظر
يوم تقديم التهاني وباقات الزهور=وقطف زينات السوالف مثل قطف الثمر
بمجلسٍ فيه المطايب تعاقب بالبخور=والدلال مراكياتٍ على جمر السمر
في محل عيال عمٍ مثل وصف الصقور=سيفي البتار والدرع وحزام الظهر
والله اني لو تعذرت ماني بمعذور=لين اقدم لابن عمي ثمنيات الدرر
والدرر ما تجمع الا من اعماق البحور=دونها الامواج والحوت وانواع الخطر
ويوم قامت كل الافكار في راسي تدور=شدني صوت الحمامة على صوت الوتر
وقمت اروض قب الامهار غالية المهور=من حلاها وش غلاها على قلوب البشر
لين جت منظومة كنها بدر البدور=غادت الغيد الغواني جميلات الصور
تاخذ قلوب النشاما وربات الخدور=لاعرضت بالخد والقد والطرف الحور
عيش لحظات الفرح والسعاده والسرور=واشرب الما الصافي العذب من جال النهر
العرب تطرب بالافراح في كل العصور=رددوا فيها القصايد واحاديث السمر
ياعسى بيتٍ عمرته على العز معمور=تكتمل فيه السعاده على طول الدهر
واحمد الله حمد عبدٍ على النعمه شكور=شاف دورات اليالي واخذ منها العبر
الشاعر/ سـعـد عبيدالله القصيري

المسافر 21-10-2017 06:16 AM

صح لسان ابو فهد وشكرا لك على النقل والمشاركه

فهد سعد 24-10-2017 06:34 PM

تسلم يااخوي المسافر صح بدنك العفو الله يعافيك


الساعة الآن 02:12 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team