=رسالة
عشنا وشفنا بالزمن مـن تهـاويــل =الزين واللي ما يطاق احتمـــاله
ماني مكلف في جميع التـفـاصــيـل=لكن أبرســــل للفهيم الـــرسالـه
رجلٍ يفتش عن عيوب الـرجاجـيـل=يــكفــيــه عيبه لا يدور بــدالـــه
ينظر لحاله ويترك الـــقــال والـقيل=واللي مجنـب عنه ماله ومــالــه
يكثر من التسبـيـح ويضـا التهالـيـل=ويسجد لربن ما خسر من يسأله
بعض السوالف بالمجالس طهابـيـل =ما يرفع التاجر بـهــا راس مالـه
والعاقل اللي يعرف الجـدي وسهـيل =ما حدٍ مغــيــر نـيـتـه واتــكـــالـه
والا الردي لوهو على شاطي النيل =ما مــــد من صافيه لــوهي بيالـه
يـــاحـــي رجالٍ يـبي يــوفـــي الكيل =يــاحـــي مكيالـه ويـــاحـــي فــالـه
ومن خلقت الدنيا على العدل والميل=محــــدٍ بهالـــدنيا زمـــانـه صفالـه
رجلٍ الــيــا قابلك يشفي المغاليـل=ورجلٍ الـيـا قابلك تــبــغــى زوالـه
ورجلٍ يجــيب الكــائــدة بالتساهــيـل=ورجلٍ يســوي بالسـاهــلــه نــذاله
وانا مجرب والــتـجـــارب دوالــيـل=يعــرف بها العاقــل محـطــة رحالـه
=مسلم بن سرور القصيري الحربي

الموضوع الأصلي: عشنا وشفنا بالزمن من تهاويل || الكاتب: مسلم سرور القصيري || المصدر: منتديات القصيرين من حرب

المصدر: منتديات القصيرين من حرب