هذه القصيدة براوية والدي الشاعر/ سعد عبيدالله القصيري
وتاريخها تقريباً عام (1370هـ) للشاعـرعوض الرميثي العوفي
وقال هــذه القصيدة رد ثناء للشيخ عبيد الديري الله يرحمه
ولاهل قطن بعدما وجد منهم حسن الجوار وكرم الضيافة
القصيدة جزله بمعنى الكلمة تستحق النقل للتوثيق:

الله يعييـن اللـي عـلـى مـدلـج الـريـع=دايـم علـى الله كــن للضـيـف داعــي
نعـم بـذوي مقبـل ومـا عقـب مطيـع=نعمٍ بكم يا اهل الصحـون الوساعـي
والنـعـم الاخـــر للرحـيـلـي بـتـوزيـع=يحطـهـا ولـهــا عـلــى الله مـسـاعـي
يحـطـهـا ولـهــا عـلــى الله مطـالـيـع=ما غيـر قـوم احمـس ونجـرٍ يعاعـي
والهـيـل خـاثــر بـالــدلال المهـانـيـع=عـلـى سـتــور الله وقـصــرٍ بـقـاعـي
نـزالــة الـبـكــرة عـلـيـهـم هـوالـيــع=مـتـاع لـلــي مـــا بـخـرجـه مـتـاعـي
وأميرهم شعشـوع مـن هالشعاشيـع=يشـدى للنجـمٍ بالسمـاء لـه شعاعـي
مـضـى نـهـار يمـيـع العـقـل تمـيـيـع=وتبييـن الفـضـة مــن ابــو شمـاعـي
اثنـيـن هـجـوا عـــذروا بالمطـامـيـع=وابـــن شـديــد مـاطــراه الـمـزاعــي
خــلا الثـلاثـة دون ريـمــه مـكـاويـع=وراحن بهم سحم الضواري شلاعي
بالنيمـس اللـي تمـزع القلـب تمزيـع=من كف ابـو متعـب طويـل الذراعـي
يا البيـض شومـن للرجـال البواتيـع=لا تعشـقـن الا كــل قـــرمٍ شـجـاعـي
والـلـي تـدنــق لـلـدجـاج المـخـاريـع=هـذيـك راحــت مفـرسـة للضـبـاعـي
تـرى البواشـك مـا تصيـد الجرابـيـع=كـم بـاشـكٍ راحــوا عيـالـه ضيـاعـي
وان جـو عيالـه فـوق نـاره مدانـيـع=قـدامـهـا مـثــل الـنـسـور المـقـاعـي
وان جـوه ربـعٍ مصلفيـن ومجـاويـع=ظــلا يـشـاورهـا طـويــل الخـنـاعـي
مـا ذاق مـن هـرج النشامـا مذاويـع=بالـيـل حاجـرتـه وبالصـبـح راعـــي
وضـوى يبشرهـا شياهـه مضـاريـع=وزاد الـغـلا وقــم الـثـلاث الرفـاعـي
الشاعر/عوض الرميثي العوفي الحربي