منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   من العرب حنا مضر صلب عدنان (http://www.alqesuirien.com/vb/t6192.html)

صافي النيه 05-06-2018 01:46 PM

من العرب حنا مضر صلب عدنان
 
من العرب حنا مضر صلب عدنان=موثقه بحروفها الابجديه

خمسة فروعٍ مابها شك مزنان=حروب والعزوه لنا سالميه

مصادر التاريخ تقرى بالاعيان=افعال ربعي كل ماقلت ليه

محدٍ شكاها من خويٍ وجيران=ياطيبهم لقلت أهل الحميه

والشعر له مع ربعنا ورث جدان =متوارثينه مثل وسم المطيه

معلقات زهير من ماض الازمان=ينصح بها يوم العرب جاهليه

حلت مشاكل بين عبسٍ وذبيان=اربع عقودٍ تصتلي نار حيه

وكعب خذا البرده هديه كحيلان=من الرسول بقاف مافيه زيه

وفتح الفتوح أذكارها خير برهان=بقيادة المرسول في كل هيه

بالقادسيه دمرت ملك ساسان=شهيدها النعمان بالقادسيه

ومن بعدها بارض الجزيره لنا شان=فعلٍ لنا ماهو قليلٍ شويه

حماية البل يوم روغات الاذهان=فوق الرمك بالسيف والبندقيه

من المدينه حدنا ضلع ورقان=قطاع لمزينه من ازكى البريه

وابو بريقه سهلةٍ بين ضلعان=فيها الرياض آليا اخضرن المريه

وقطن عسى تغشاه همال الامزان=من الفويلق لين هضبة طميه

والمركز اللي فيه للعز عنوان=فوارة المجد المسمى الابيه

ودخنه لنا فيها مزارع وقلبان=وفيها حرارٍ ندرٍ صيرميه

وحزره لنا فيها مآثر وعربان=ورياض فيها من الجبيلي وديه

وازكى سلامي ياطويلين الايمان=كل القبيله تستحق التحيه

الشاعر صلاح عواض القصيري المزيني


الساعة الآن 12:32 PM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team